L’èx-president d’Egipte Muhammad Mursi moriguèt ièr diluns sobde just après sa compareissença davant un tribunal del país, segon çò qu’an raportat de mèdias locals. A 67 ans, Mursi s’estavaniguèt pendent la sesilha, que doncas se reportèt. Qualques minutas puèi, moriguèt.
 
Mursi venguèt en 2012 lo primièr president elegit d’Egipte après la Prima Aràbia en ganhant las primièras eleccions après la casuda de Hosni Mubarak. Un an pus tard, foguèt reversat per un còp d’estat militar. Aquí l’arrestèron, lo jutgèron en l’acusant de plusors causas e lo condemnèron a la pena capitala. El rebutèt totas las acusacions en disent que s’agissiá d’una campanha politica contra sa persona.
 
 
 
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>