capçalera campanha

Actualitats

Environament

Groenlàndia: l’imatge que demòstra l’escalfament climatic

Ongan, la placa de glaç que cobrís Groenlàndia se desfà a un ritme dramatic que s’èra pas jamai registrat dins las darrièras vint annadas

L’escalfament global de la planeta es a far fondre lo glaç marin de Groenlàndia a un ritme inquietant, qu’implica un perilh per l’environament, pels abitants e quitament pels cercaires que son sus plaça. Lo 13 de junh passat, lo cercaire Steffen Olsen, del Centre per l’Ocean e lo Glaç de l’Institut Meteorologic de Danemarc, deguèt salvar lo material qu’aviá sul fiòrd d’Inglefield, ont lo glaç es a desaparéisser.
 
Olsen mesura lo glaç dempuèi dètz ans. Ara, a fach una fotografia qu’es venguda un simbòl de la lucha contra l’escalfament climatic. L’imatge mòstra Olsen a traversar las aigas del fiòrd sus sa lisa tirada per de cans. El a explicat sus Twitter que lo nevièr es solament d’1,2 mètres, çò que n’aumenta la permeabilitat; lo fiòrd es doncas vengut un estanh.
 
Segon lo scientific, lo glaç es indispensable per la populacion del país e per son biais de se desplaçar, de caçar, de pescar... Ongan, la placa de glaç que cobrís Groenlàndia se desfà a un ritme dramatic que s’èra pas jamai registrat dins las darrièras vint annadas. “Los eveniments extrèms, coma l’inondacion del glaç a causa de la fonda de la superfícia, son una crida per melhorar la capacitat predictiva sus la region artica”, çò a precisat Olsen.
 
 


abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

"Tàrrega" igualada (PP.CC.)
7.

Ja fa temps que es diu, que ara si li posi enfassi ja fa temps que es fa, i ningú mou un dit, be si que hi han iniciatives, però de veritat del que convé no se'n fa ni cas.
A que esperem, no em vist pròutes desgràcies ja, o fins que no podem veure aigua o respirar o menjar, no ens mourem.
D'això se'n diu ésser estùpid, em nego a creure que la humanitat sigui estúpida!
Visca la Terra...Lliure!
L'Ernest, "El Tàrrega".

  • 0
  • 0
Doblaud
6.

#5
Parlatz per vos, io sei un scientific.

  • 7
  • 1
Papioli
5.

#1 Paubre Lachaud, a reçaugut 24 avis negatius perqué a pas aportat de pròbas a ta tesa. Quò es vrai qu'una foto es pas una pròba. Pòd esser estada facha a un autre endrech qu'aquel qu'es indicat. A quand mesme trobat 6 avis positius.
Alaidonc quò fai un bon sondage. Sab pas si es representaif, mas quò fai, si me trompe pas 20 de cent que son pas d'accòrd emben la teoria de l'eschaurament climatic. Los uns an pas mai d'argument que los autres. Dinq aquela condicion l'òm porria esperar de Jornalet un avis mai nuançat.
L'òm porria dire parier sur la sciença daus materialistes e la sciença esototrica que tròba daus arguments dins la mecanica quantica e las ondas electromagnéticas.
L'òm porria far de mesma emben la religion qu'es bastida sur de las afirmacions non controladas per la sciença e l'archeologia. Que dire de la teoria que dich que l'òme seria sol sur la terra, que descend dau singe e que dins l'espaci i auria pas d'autras civilisacions pus avançadas que la de la terra.
Sem pas daus scientifics; alaidonc en sem reduits a creire oi pas creire. Los uns seran portats au panteon, los autres declarats eretics e cramats coma los catars e los sorcier(a)s. Riran ben qui rira lo darrier.

  • 2
  • 14
JP la rapieta
4.

#2
sem d'esperar la miei-julhet per qu'eu nos eispliquesse que 'quel afar de luna a pro durada, que la Terra es plana, etc. fin finalament, que lu grand tot es regentat per la granda vibromaci' cosmica dau quantum unitari.

  • 11
  • 2
JP la rapieta
3.

'Tenci', 'n'eimatge es pas 'na prova, quau-que-siaia l'obgier estudiat. 'Quí, quò pòt estre un tesmonhatge daus desboiradís climatiques, mas pas 'na prova. Çò qu'es montrat es malaurosadament 'na constataci' desempui d'annadas au Canada per balhar un nom de païs :
https://atlasclimatique.ca

Ne'n defòra de la situaci' montrada per l'eimatge, fau se pausar las causas daus desboiradís, per ne'n parlar de quauqu'uns, ente son fabricats los avions ? Ente se troban los basteus :
http://www.lefigaro.fr/sciences/en-europe-les-navires-de-croisiere-polluent-dix-fois-plus-que-l-ensemble-des-voitures-20190605

Ente, e per de que far ?
Sem n'autres prets per 'restar de prener la veitura per un non o per un non ? Ne'n sabe res, mas d'avieisar las chifras d'una p'ita enquesta (marmilhon levat) :
https://becancaneries.wordpress.com/2019/06/04/au-compteur-de-loperation-kgb/

Se questionar, criticar, dire aquò es aisat, fòrt aisat, ò sabe, e sabe mai-me-tot que se chamjar l'es mens, mas mens vòu pas dire que la situaci' es perduda.

JP Bertrand

  • 8
  • 2

Escriu un comentari sus aqueste article