Escàndol al Reialme Unit en rason de l’agression de Mark Field, secretari d’estat dels afars estrangièrs del govèrn de Theresa May, contra una activista de Greenpeace que protestava dins un sopar-discors dels conservators. Field prenguèt la joventa pel còl e la possèt contra una colomna, puèi la faguèt sortir de la sala amb fòrça.
 
L’oposicion del Partit Trabalhista sollicita de la primièra ministra que destituisca Field. De son latz, lo naut responsable justifica son accion en disent que crenhiá que la gojata portèsse una arma,mas a demandat excusa a la gojata.
 
La polícia metropolitana de Londres ditz qu’a recebut de denóncias de mond qu’èra presents a l’eveniment e que critican l'agression contra l'activista.