Actualitats
Rugbi de XIII: Carcassona e los Dragonets en finala del campionat
D’unes soslèvan los bloquièrs; d’autres, se demandan cossí an pogut daissar escapar la victòria. Las partidas prenon mai d’ample de Pià a Perth en aquesta fin del mes de junh
Alan Roch
Campionat d’Elèit 1: la logica respectada
Aquesta dimenjada, se debanavan las mièjas finalas del campionat d’Elèit 1.
Dissabte, èra lo temps d’un novèl dèrbi a Domèc entre Carcassona e Limós. Calguèt anar fins al punt en aur ont, al cap de 2 minutas, un ensag del centre Djalout mandava los Canaris (20-16) en finala a Albi.
Dimenge, a Sant Estève, los Dragonets aguèron mens de dificultats per batre los molinièrs de Lesinhan: 38-18.
La finala del campionat serà doncas un revenge de la finala de la Copa e se tendrà aqueste dissabte 29 en fin de vèspre a Albi. En dobertura, la finala dels juniors U-19 opausarà Avinhon e Lesinhan.
Un dimenge de finalas a Pià
Tres finalas èran al programa jol caud solelh rosselhonés de junh aqueste dimenge a Pià.
En juniors nacionals, los joves d’Illa èran tròp fòrts per Carcassona: 46-24 pels rèirefilhs de Joan Galià.
En Federala, Sant Estève faguèt lo trauc en debuta de partida e tota la volontat de Gratentor se revelèt vana. Victòria catalana: 23-12.
En Elèit 2, lo primièr temps foguèt interessant e engatjat entre Baò e Vilagalhenc-Argon. A la còrna de la pausa, una pietadosa generala esclatèt que menèt los arbitres a distribuir… un desenat de cartons roges. Dins lo segond temps, los occitans resistiguèron tant coma poguèron abans de plegar: 35-20
Los Dragons sens èime
Aprèp la desfaita contre Londres, se pensava que los Dragons aurián una reaccion d’orguèlh fàcia a Hull FC, concurrent dirècte per la tresena plaça. La marca finala en favor dels angleses 50-10 mòstra que los catalans son a manjar (s’an encara de dents) lor pan negre. Un desplaçament a Leeds se prepara alara que l’òm vei lo classament se sarrar e qu’una plaça dins los cinc qualificats serà pas de bon obténer. Sens vos parlar de la diferéncia de punts negativa dels Sang e Aur: -98!
Dijòus, Londres signava una victòria importanta 26-24 fàcia a Hull KR per evitar la davalada en Championship. Wigan, venceire a Huddersfield (38-22) e Salford (26-16 a Castleford) son las doas formacions que son una menaça fòrta pels catalans.
Saint Helens perseguís sa corsa en cap de classament (36-10 contra Leeds), seguit a distància per Warrington (victòria 30-6 fàcia a Wakefield).
Los Lops canadians atalentats
En Championship, los tolosans traversèron l’Atlantic per conéisser una novèla desfaita fàcia als lops (e puslèu ògres) canadians de Toronto: 26-16.
Aqueste dimenge, los occitans jogaràn a Barrow, abans de reçaupre Bradford dissabte 6 de julh a Blanhac. Los Blau e Blanc sèrvan la segonda plaça al classament, mas Featherstone, Leigh, Sheffield e York son solament a dos punts darrièr.
XIII-cadieral: angleses e Blaus a egalitat
Doas partidas internacionalas venon d’opausar en Provença las formacions de XIII-cadieral d’Anglatèrra e de França; se los angleses s’impausèron a Apt 31-25, los Blaus prenguèron lor revenge aqueste dimenge a Tolon (50-46) aprèp aver remontat un retard de 18 punts.
Estats d’Origina: los Blaus en estat de gràcia
Aquò s’apèla un revenge. Per la segonda partida dels Estats d’Origina, deslocalizada dins l’Oèst australian a Perth, los Blaus de Nòvas Galas del Sud , mercé a 6 ensages, impausèron lor lei a Queensland: 38-6!
La tresena partida, lo 10 de julhet a Sydney, serà doncas decisiva per designar lo venceire de la tièra 2019.
En imatges
E vos cal pas mancar de visionar los reportatges de l'#aranésòc de la television de Barcelona, Betevé, sul rugbi de XIII:
Alan Roch
Aquesta dimenjada, se debanavan las mièjas finalas del campionat d’Elèit 1.
Dissabte, èra lo temps d’un novèl dèrbi a Domèc entre Carcassona e Limós. Calguèt anar fins al punt en aur ont, al cap de 2 minutas, un ensag del centre Djalout mandava los Canaris (20-16) en finala a Albi.
Dimenge, a Sant Estève, los Dragonets aguèron mens de dificultats per batre los molinièrs de Lesinhan: 38-18.
La finala del campionat serà doncas un revenge de la finala de la Copa e se tendrà aqueste dissabte 29 en fin de vèspre a Albi. En dobertura, la finala dels juniors U-19 opausarà Avinhon e Lesinhan.
Un dimenge de finalas a Pià
Tres finalas èran al programa jol caud solelh rosselhonés de junh aqueste dimenge a Pià.
En juniors nacionals, los joves d’Illa èran tròp fòrts per Carcassona: 46-24 pels rèirefilhs de Joan Galià.
En Federala, Sant Estève faguèt lo trauc en debuta de partida e tota la volontat de Gratentor se revelèt vana. Victòria catalana: 23-12.
En Elèit 2, lo primièr temps foguèt interessant e engatjat entre Baò e Vilagalhenc-Argon. A la còrna de la pausa, una pietadosa generala esclatèt que menèt los arbitres a distribuir… un desenat de cartons roges. Dins lo segond temps, los occitans resistiguèron tant coma poguèron abans de plegar: 35-20
Los Dragons sens èime
Aprèp la desfaita contre Londres, se pensava que los Dragons aurián una reaccion d’orguèlh fàcia a Hull FC, concurrent dirècte per la tresena plaça. La marca finala en favor dels angleses 50-10 mòstra que los catalans son a manjar (s’an encara de dents) lor pan negre. Un desplaçament a Leeds se prepara alara que l’òm vei lo classament se sarrar e qu’una plaça dins los cinc qualificats serà pas de bon obténer. Sens vos parlar de la diferéncia de punts negativa dels Sang e Aur: -98!
Dijòus, Londres signava una victòria importanta 26-24 fàcia a Hull KR per evitar la davalada en Championship. Wigan, venceire a Huddersfield (38-22) e Salford (26-16 a Castleford) son las doas formacions que son una menaça fòrta pels catalans.
Saint Helens perseguís sa corsa en cap de classament (36-10 contra Leeds), seguit a distància per Warrington (victòria 30-6 fàcia a Wakefield).
Los Lops canadians atalentats
En Championship, los tolosans traversèron l’Atlantic per conéisser una novèla desfaita fàcia als lops (e puslèu ògres) canadians de Toronto: 26-16.
Aqueste dimenge, los occitans jogaràn a Barrow, abans de reçaupre Bradford dissabte 6 de julh a Blanhac. Los Blau e Blanc sèrvan la segonda plaça al classament, mas Featherstone, Leigh, Sheffield e York son solament a dos punts darrièr.
XIII-cadieral: angleses e Blaus a egalitat
Doas partidas internacionalas venon d’opausar en Provença las formacions de XIII-cadieral d’Anglatèrra e de França; se los angleses s’impausèron a Apt 31-25, los Blaus prenguèron lor revenge aqueste dimenge a Tolon (50-46) aprèp aver remontat un retard de 18 punts.
Estats d’Origina: los Blaus en estat de gràcia
Aquò s’apèla un revenge. Per la segonda partida dels Estats d’Origina, deslocalizada dins l’Oèst australian a Perth, los Blaus de Nòvas Galas del Sud , mercé a 6 ensages, impausèron lor lei a Queensland: 38-6!
La tresena partida, lo 10 de julhet a Sydney, serà doncas decisiva per designar lo venceire de la tièra 2019.
En imatges
E vos cal pas mancar de visionar los reportatges de l'#aranésòc de la television de Barcelona, Betevé, sul rugbi de XIII:
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari