Actualitats
Blanquer a reportat las espròvas escrichas del Diplòma estatal del Brevet
Las espròvas se faràn diluns e dimars venents dins tot l’estat francés, car es previst qu’aqueles jorns las temperaturas seràn mens caudas a París
Aqueste calimàs, o èrsa de calor, es excepcional al mes de junh, “es lo primièr còp que devèm assumir de talas calors mentre que i a encara de corses e d’examens”, çò a dich lo ministre. Sembla que dins lo nòrd de França i sián pas acostumats.
Per tant, las espròvas de francés, matematicas, istòria-geografia e sciéncias esperaràn a la setmana que ven jos de temperaturas mai suportablas pel nòrd de França.
Mai de 800 000 escolans passaràn lo brevet pel primèr còp.
Tanben en Maiòta e a la Reünion
Dins un primièr comunicat, lo ministre anoncièt que lo brevet se reportariá pas dins las colònias d’otramar, mas enfin si que serà diferit pels escolans de Maiòta e de la Reünion. Guadalope e Martinica sèrvan elas las datas d’examen inicialament previstas, çò es lo 27 e 28 de junh.
Lo ministre vòl pas “de polemicas inutilas”
Blanquer afirmèt aqueste diluns passat sus BFMTV que voliá pas de “polemicas inutilas” après l’anóncia de repòrt de las espròvas. “Sèm totes dependents de la sciéncia metereologica. Nos i prenèm amb plusors jorns d’avança, en avent estudiat totas las possibilitats. Es una vana polemica. Sèm davant una mesura de bon sens e es bon que siam totes units per la metre en òbra”.
De soslinhar que lo ministre a pres solament en compte las informacions meterologicas que pertòcan París, e que los ensenhaires e los personals an d’en primièr conegut lo repòrt de las espròvas gràcias als mèdias.
D’autre caire, d’ensenhaires que i a aurián preferit que se climatizèsse las salas e que s’investiguèsse dins d’esquipaments escolars de qualitat.
Les fortes chaleurs vont s'accentuer. De mercredi à vendredi, la remontée d'une masse d'air saharienne exceptionnellement chaude donnera lieu à des températures au niveau des records mensuels voire absolus. (40°C régulièrement atteints ou dépassés).#VigilanceOrange#caniculepic.twitter.com/Npzfx2lW1X
— VigiMétéoFrance (@VigiMeteoFrance) 24 de juny de 2019
Le brevet est décalé à cause de la canicule ! pic.twitter.com/d4mDIR5298
— Topito (@topito_com) 24 de juny de 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Coma los patrons qu'anoncian als obrièrs que barran l'usina per corric. Tot aquò es la meteissa racalha. Se coneis a lor biais de far.
#2 E òc, blanquer, lo tanaire. Segur que l'aujòl que se ganhèt aqueste nom d'ostal valiá que son descendent.
#2 Blanquer es catalan, òc… coma Valls !
Cal soslinhar que lo ministre a prevengut los caps d'establiment per mejan de premsa unicament, coma tot lo monde.
Los primièrs concernits per l'organizacion del brevet son pas estats prevenguts en amont d'aquela annóncia.
Aqueste linatge de Blanquer sembla català. Quina peça que i a amb el, es un renegat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari