Actualitats
An portat a París 105 000 signaturas per far un referendum sus la reünificacion de Bretanha
Un grop de deputats bretons a recebut la peticion e ara presentaràn a l’Assemblada Nacionala francesa una proposicion de lei que permeta de far lo referendum breton
Las meteissas signaturas, que son mai del 10% de la lista electorala del departament de Léger Atlantic —ara separat administrativament de Bretanha—, las remetèron fa sièis meses a aquel conselh departamental. Alavetz, lo Conselh Departamental rebutèt la reünificacion del departament amb la rèsta de Bretanha mas, per contra, mandèt una letra al president francés, Emmanuel Macron, per li demandar que foguèsse l’estat francés qu'organizèsse un referendum sus las frontièras regionalas
La reünificacion de Bretanha qu’incorporariá a la region administrativa lo departament del Léger Atlantic es una vièlha revendicacion bretonista, qu'a organizat de vòtes populars sus aquel tèma e fòrça protèstas e manifestacions massissas. Mas l’Assemblada Nacionala francesa refusa aquela revendicacion, e mai la capitala istorica de Bretanha, Nantas, rèste dins la region dels Païses de Léger en tot perpetuar lo desmembrament de Bretanha decretat per Philippe Pétain fa mai de setanta ans.
Je salue l'initiative de @bretagnereunie qui vient aujourd'hui apporter les 105 000 signatures en faveur d'un référendum pour la #réunification au Président et au Premier Ministre. Une délégation de députés bretons les recevra ce soir à l'Assemblée nationale #DirectAN#Bretagnepic.twitter.com/wivA8Zz8BY
— Paul Molac (@Paul_Molac) June 25, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ben fait. L'Union fa la força !
#2 Ieu partaje vostro aupiniu. Simplament per lou fa qu'es à chasco coumunauta de s'àutou-definì identitariament. Es pas à quauque groupe d'enfluenço ou encaro à uno pougnado de poulitician de pegà uno etiqueto à uno couletivita umano.
Chascun es prou bèl per poudre definì ce que sent au pu founs d'el. Adounc uno coumunauta din sa gloubalita pòu amai deuriè aveire dré d'esprimì soun sentimen d'apartenenço.
Prou das endividu prouvidenciau amai dau papanas estatau que nous lèvou touto capacita de nous pensà. Oi à tout voulountàri desenteressa que, deman, ajudara touto coumunauta per se desmancipà en acampent mai d'autounoumìo de pensada e d'aciu !
Ieu partatge vòstra opinion. Simplament per lo fach qu'es a chasca comunautat de s'auto-definir identitariament. Es pas a quauque grope d'enfluença o encara a una ponhada de politicians de pegar una etiqueta a una collectivitat umana.
Chascun es pro bèl per podre definir ce que sent au pus fons d'el. Adonc una comunautat dinc sa globalitat pòt amai deuriá aveire drech d'esprimir son sentiment d'apartenença.
Pro dals endividús providenciaus amai dau papanàs estatau que nos lèvon tota capacitat de nos pensar. Òi a tot volontari desenteressat que, deman, ajudarà tota comunautat per se desmancipar en acampent mai d'autonomia de pensada e d'accion !
#2 E ben! L'imperialisme breton! E qué mai encara? Alara caldrà desmontar lo castèl dels ducs de Bretanha e lo transportar a Renas.
Es pas contradictòri de reivindicar, ambe justa rason per ieu, la gasconitat del Baish Ador que lo gascon n'es la lenga istorica e sostene l’incorporacion a la Bretanha del País de Nantas que la sola lenga istorica n’es lo francés ?
« en tot perpetuar lo desmembrament de Bretanha decretat per Philippe Pétain fa mai de setanta ans. » Es pas en repetant una messorga qu'om ne far una vertat.
Es la Revolucion de 89 que desmembrèt la Bretanha quand creèt los departaments.
Las regions actualas siaguéron creadas en 1955 sus la basa dels «groupements économiques d’intérêts régionaux » de 1919, establits per Étienne Clémentel, ministre del commerce de l’epòca (dins aquel
decopatge de 1919 la Bretanha aviá pas que tres departaments.)
Pétain, el, aviá l'intencion de restablir las províncias e èra donc favorable, coma los imperialistas bretons, a una Bretanha de cinq departaments. L'ocupacion alemanda e la seguida dels eveniments o li permetèran pas. Per de nescessitats de ravitaillament e coma lo comandament militari alemand de district èra a Angers Nantas li siaguèt restacat.
Siái favorable a un referendòm, aquí coma dins totes los cases, e pensi, per parafrasar Gerard Joan Barceló, que lo monde de Loire-Atlantique an lo drech de « decidar qual son ». Vist d’aicí me pòdi trompar, mas compte tengut de la rivalitat istorica entre Nantes e Rennes, de la fòrta emigracion de Vendée e dels interèsses economiques m’estonariá que causiguèssen la Bretanha.
Occitània/Catalunya: nació esquarterada.
Heuskal Herria: nació esquarterada.
Bretanya: nació esquarterada.
Flandes: nació esquarterada.
Etc...
Nota: encara hi ha molts "murs de Berlín" a Europa...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari