La clavadura de la quatrena sason del collectatge filmat Vita e memòria deu Baish Ador se tendrà dissabte que ven a Bidaishe (Gramont) ont se farà un omenatge als locutors occitanofòns del país qu’an participat al filme.
 
S’agís d’un programa d’enquistas audiovisualas comandat pel departament dels Pirenèus Atlantics e menat a bon tèrme per l’Etnopòl CIRDÒC e l’Institut Occitan de Cultura; las enquistas son estadas realizadas per Yvan Bareyre del Talhièr de la Memòria Viva e Camille Louvet e Damien Lagouardette de Loula Productions.
 
Lo Bas Ador es un país occitan de confluéncias, a la crosada de las lengas e de las culturas qu’a desvolopat una societat de convivéncia culturalament rica. La lenga occitana, dins sa varianta gascona maritima, es lo fil conductor d’aquel trabalh que se met a la disposicion de las generacions futuras.