Lo partit sobeiranista alsacian, Unser Land, a demandat al pòble alsacian que sostenga lo pòble catalan en “sa lucha per la justícia e la democracia”, e dins aquel sens demanda als ciutadans del país que jongan la manifestacion que se tendrà lo 2 de julhet davant lo Parlament Europèu per exigir que los tres independentistas catalans elegits lo 26 de mai sián efectivament nomenats eurodeputats.
 
Unser Land considèra que “seriá una negacion de la democracia” que ni Oriol Junqueras, presonièr politic, ni Carles Puigdemont ni Toni Comín, en exili a Waterloo, poguèsson pas èsser presents a la session inaugurala del 2 de julhet. Aquela solidaritat alsaciana es mai que justificada, segon Unser Land, ja que los alsacians sabon plan çò qu’es “la repression politica, compresa la preson”. Demandan doncas que lo drapèl istoric d’Alsàcia, sonat “rot un wiss” a causa de sas colors, siá brandit al costat de las bandièras catalanas dimars que ven dins la capitala del país.
 
A la manifestacion dels catalans, cridada per divèrses partits e associacions ciutadanas de Catalonha, es previst qu’arriben una setantena d’autobuses d’aquel país e mai. L’eveniment es coordenat per un compte de Twitter, e mai VilaWeb publica d’informacions practicas pels que i voldràn e poiràn anar manifestar.
 
 

Acte a Estrasburg la vigília de la manifestació. @ANC_FRANCE@DonesRepublica@JordiMagria1pic.twitter.com/27Zi8db6Hq

— Omplim Estrasburg - Comunicats (@OmplimEST) 23 de juny de 2019

 

PUGEM i OMPLIM ESTRASBURG impulsa un MANIFEST de denúncia de la vulneració dels nostres drets fonamentals i dels drets dels nostres Eurodiputats i de reivindicació de l'autodeterminació de Catalunya. El lliurarem al PE. Signa-ho aqui: https://t.co/ftpoqT7mup. #2JTotsAlParlamentEU

— Omplim Estrasburg - Comunicats (@OmplimEST) 14 de juny de 2019