L’Estivada de Rodés consagrarà ongan una plaça d’onor a Bretanha en aculhissent d’artistas emblematics d’aquel país. D’efièch, Alan Stivell vendrà la figura emblematica del 18 de julhet, serada ont li succediràn sus l’empont bèl los de Digresk, la banda de Roazhan representanta del rock celtic amb son estil festiu e, enfin, Les Naufragés, a l’entorn de lor cantador Jean-Michel Poisson.
 
Divendres 19 de julhet, la cultura occitana serà representada sus l’empont bèl amb los grops occitans La Beluga, Feramia e Djé Balèti.
 
Dissabte 20 de julhet, seràn dos grops occitans e un grop breton que  seràn ongan los protagonistas de la dicha “Breizhtivada”: a aquel rescontre inedit de las doas nacions participaràn  Mauresca Fracàs Dub, Mask Ha Gazh e Goulamas’K.
 
Podètz trobar mai d’informacions sul sit del festenal.