Actualitats
Prepausan Ursula von der Leyen coma presidenta de la Comission Europèa
Se los eurodeputats o accèptan, Jean-Claude Juncker serà remplaçat per una aliada d’Angela Merkel
Se lo Parlament Europèu apròva sa candidatura, Ursula von der Leyen serà la presidenta de la Comission Europèa, en remplaçant Jean-Claude Juncker. Actualament es la ministra de la defensa alemanda, a 60 ans, es metgessa, a 7 enfants e es una luteriana convencuda. Comencèt sa carrièra politica dins l’estat de la Bassa Saxònia, que son paire ne foguèt lo primièr ministre. Puèi, al nivèl federal, a fach partida de totes los gabinets de la cancelièra Angela Merkel.
Von der Leyen la votèt pas Merkel, que s’abstenguèt, “segon las nòrmas de votacion de la coalicion que govèrna Alemanha, que dison que quand i a pas d’unitat es necite que nos abstengam", çò precisèt. Mas se regaudiguèt de son eleccion e del fach que pel primièr còp una femna poguèsse èsser presidenta de la Comission Europèa.
La Comission Europèa es una institucion politicament independenta que baileja lo poder executiu de l'Union Europèa. Son objectiu principal es de prepausar la legislacion, las politicas e los programas d'accion e tanben es responsabla d'aplicar las decisions del Parlament Europèu e del Conselh de l'Union Europèa.
En mai d’aquò, los caps d’estat europèus an decidit, après doas setmanas de negociacions, que lo bèlga Charles Michel serà lo president del Conselh Europèu; la francesa Christine Lagarde bailejarà la Banca Centrala Europèa e lo ministre dels afars exteriors de l’estat espanhòl, Josep Borrell, serà lo cap de la diplomacia e de la seguretat europèas.
Von der Leyen la votèt pas Merkel, que s’abstenguèt, “segon las nòrmas de votacion de la coalicion que govèrna Alemanha, que dison que quand i a pas d’unitat es necite que nos abstengam", çò precisèt. Mas se regaudiguèt de son eleccion e del fach que pel primièr còp una femna poguèsse èsser presidenta de la Comission Europèa.
La Comission Europèa es una institucion politicament independenta que baileja lo poder executiu de l'Union Europèa. Son objectiu principal es de prepausar la legislacion, las politicas e los programas d'accion e tanben es responsabla d'aplicar las decisions del Parlament Europèu e del Conselh de l'Union Europèa.
En mai d’aquò, los caps d’estat europèus an decidit, après doas setmanas de negociacions, que lo bèlga Charles Michel serà lo president del Conselh Europèu; la francesa Christine Lagarde bailejarà la Banca Centrala Europèa e lo ministre dels afars exteriors de l’estat espanhòl, Josep Borrell, serà lo cap de la diplomacia e de la seguretat europèas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma diguèt don Tancredo: Cal que tot cambie per que tot contunhe parièr. Sèm pas sortits de la carral, medamne!
#1 Mas sustot aquela Ursula von der Leyen es una fran-co-fo-na de tria, coma an pas mancat de se'n regausir los jornalistas franceses sus l'aire de "avem ganhat " ! Vist de Paris l'onor es sauve, Europa demora totjorn una mena de França granda que nos permet de desplegar encara e encara la grandor nostra. Qu'a Lutèce "francofon" significa plan segur "a nostre servici". E se i a d'europencs qu'ausan parlar de l'acostumiera "arrogancia francèsa" que los cofla grèu, son saique de malvolents qu'an pas res compres "a las valors nostras" coma o-ditz lo bon Macron.
Incompetenta e corrompuda, al nivèl de Juncker. Paura Euròpa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari