Actualitats
Trípol: almens 30 mòrts après lo bombardament d’una preson de migrants
L’ÒNU avertís que Libia “es a mand de tombar dins una guèrra civila que poiriá menar a la division permanenta del país”
Almens 30 personas mòrtas e un dotzenat de nafradas es lo tragic bilanç del bombardament que l’a patit un centre de detencion de migrants a Trípol. L’ataca se passèt dins la nuèch de dimars a dimècres passats. Es fòrça probable que l’ataca l’aja facha la dicha Armada Nacionala Libiana (ANL) del marescal Khalifa Haftar, que contraròtla ara l’èst del país e qu’a la tòca de prene la vila de Trípol. Lo comandant Muhammad Manfur anoncièt diluns que començariá una campanha de bombardaments de la capitala.
L’ofensiva d’Haftar contra la capitala de Libia comencèt en abril passat e fins ara auriá causat environ 650 mòrts, segon de donadas de l’ÒNU. L’enviada especiala de las Nacions Unidas per Libia, Ghasán Salamé, aviá ja avertit lo Conselh de Seguretat de l’ÒNU que Libia “es a mand de tombar dins una guèrra civila que poiriá menar a la division permanenta del país”, a causa de l’ofensiva d’Haftar.
Lo començament d’una guèrra sagnosa
Segon Salamé, se la guèrra s’acabèsse ara, aquò prendriá “fòrça annadas per reparar los damatges causats fins ara”, en tot remarcar que “la guèrra a l’entorn de Trípol es solament lo començament d’una longa e sagnosa guèrra”. D’autre caire, ela remarquèt “lo void de seguretat” creat pel retirament de las tropas d’Haftar al sud, apondut al fach que las fòrças occidentalas que defendon la capitala l’esplechan l’Estat Islamic e Al Qaida.
Los migrants e los refugiats pòdon pas èsser detenguts
Las autoritats de la capitala e de l’ÒNU an realizat d’evacuacions de qualques centres de detencion de la vila per menar los migrants e los refugiats dins d’endreches mai segur, mentre que duraràn las atacas.
Lo Naut Comissariat de las Nacions Unidas pels Refugiats (NACNUR) a avertit que los migrants e los refugiats pòdon pas èsser detenguts e que los civils pòdon pas èsser una tòca dels militars. E mai soslinha que Libia es un luòc non segur. “Los estats amb influéncia devon cooperar per metre fin al conflicte, en lòc de l’alucar”, çò apond.
L’armada del marescal Haftar
La dicha Armada Nacionala Libiana (ANL) del marescal Haftar contraròtla l’èst del país e es a las pòrtas de Trípol, qu’es contrarotlada pel dich Govèrn d’Union Nacionala (GUN) reconegut per la comunautat internacionala. Dins un messatge vidèo, Haftar cridèt fa qualques meses los abitants de Trípol a “depausar las armas e a alçar lo drapèl blanc”. De son latz, lo primièr ministre del GNA, Faiez Al Saraj, metèt las tropas en estat operacional per protegir los civils.
Exterminar los berbèrs
Mentretant, lo sheikh madkhalista Ahmed Buduira, alias “Abu Aisa Al Marjaui”, pròche del marescal Haftar, menacèt lo 31 de març passat d’exterminar los berbèrs libians. Segon el, “la liberacion” de la zòna oèst del país, qu’escapa al contraròtle d’Haftar, deu començar per la somission dels berbèrs ibaditas qu’el considèra coma de “mescresents”, e que, per tant, per el es legitim d’exterminar.
L’ofensiva d’Haftar contra la capitala de Libia comencèt en abril passat e fins ara auriá causat environ 650 mòrts, segon de donadas de l’ÒNU. L’enviada especiala de las Nacions Unidas per Libia, Ghasán Salamé, aviá ja avertit lo Conselh de Seguretat de l’ÒNU que Libia “es a mand de tombar dins una guèrra civila que poiriá menar a la division permanenta del país”, a causa de l’ofensiva d’Haftar.
Lo començament d’una guèrra sagnosa
Segon Salamé, se la guèrra s’acabèsse ara, aquò prendriá “fòrça annadas per reparar los damatges causats fins ara”, en tot remarcar que “la guèrra a l’entorn de Trípol es solament lo començament d’una longa e sagnosa guèrra”. D’autre caire, ela remarquèt “lo void de seguretat” creat pel retirament de las tropas d’Haftar al sud, apondut al fach que las fòrças occidentalas que defendon la capitala l’esplechan l’Estat Islamic e Al Qaida.
Los migrants e los refugiats pòdon pas èsser detenguts
Las autoritats de la capitala e de l’ÒNU an realizat d’evacuacions de qualques centres de detencion de la vila per menar los migrants e los refugiats dins d’endreches mai segur, mentre que duraràn las atacas.
Lo Naut Comissariat de las Nacions Unidas pels Refugiats (NACNUR) a avertit que los migrants e los refugiats pòdon pas èsser detenguts e que los civils pòdon pas èsser una tòca dels militars. E mai soslinha que Libia es un luòc non segur. “Los estats amb influéncia devon cooperar per metre fin al conflicte, en lòc de l’alucar”, çò apond.
L’armada del marescal Haftar
La dicha Armada Nacionala Libiana (ANL) del marescal Haftar contraròtla l’èst del país e es a las pòrtas de Trípol, qu’es contrarotlada pel dich Govèrn d’Union Nacionala (GUN) reconegut per la comunautat internacionala. Dins un messatge vidèo, Haftar cridèt fa qualques meses los abitants de Trípol a “depausar las armas e a alçar lo drapèl blanc”. De son latz, lo primièr ministre del GNA, Faiez Al Saraj, metèt las tropas en estat operacional per protegir los civils.
Exterminar los berbèrs
Mentretant, lo sheikh madkhalista Ahmed Buduira, alias “Abu Aisa Al Marjaui”, pròche del marescal Haftar, menacèt lo 31 de març passat d’exterminar los berbèrs libians. Segon el, “la liberacion” de la zòna oèst del país, qu’escapa al contraròtle d’Haftar, deu començar per la somission dels berbèrs ibaditas qu’el considèra coma de “mescresents”, e que, per tant, per el es legitim d’exterminar.
New pictures show the destruction of #Darna at the hands of #Haftar and his barbaric thugs #LNA#TRIPOLI#Libya#العدوان_على_طرابلسpic.twitter.com/V1g2rvnlA1
— Moaad 6 (@Raufers) 2 de juliol de 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La guerra de Libia la feren los americons e l'UE per levar lo regim de Gadafi. lo mataren e posaren un regim pitjor impossible, que no a fait mai que desastres. Amb Gadafi la poblacion de Libia vivian molt milhor. Com mos varen enganhar !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari