Actualitats
Estrombòli es intrat en erupcion en causant un mòrt
Lo volcan ara fumeja mas sembla ja apasimat de las erupcions violentas qu’aguèt dimècres
Almens una persona mòrta e qualques unas de nafradas es lo primièr bilanç de la darrièra erupcion d’Estrombòli, lo volcan-illa del sud d’Itàlia. Lo volcan ara fumeja mas sembla ja apaisimat de las erupcions violentas qu’aguèt dimècres de ser, quand de fragments de lava tombavan en creant d’incendis mentre que l’illa èra cobèrta de cendre e de fum.
Lo volcan esclatèt a 17h16, mas abans, l’institut italian de geofisica e vulcanologia aviá detectat d’escorrements de lava.
La victima mortala èra un torista italian de 35 ans que fasiá una excursion. Èra acompanhat d’un amic brasilièr qu’es estat nafrat. L’erupcion arribèt sobde e las ròcas que sautèron del cratèr lor tombèron dessús. Se trobavan a 400 mètres d’altitud dins una zòna autorizada sens obligacion d’èsser acompanhats d’un guida competent.
L’erupcion inesperada causèt la panica demest los abitants que se vegèron environats de cendre e de fuòc. Per ara, los servicis de proteccion civila an evacuat qualques abitants de la vila de Ginostra.
Estrombòli es un dels volcans pus actius de la planeta e ten d’erupcions frequentas dempuèi 1932. Segon l’Institut italian de geofisica e vulcanologia, aquesta erupcion es una de las pus fòrtas qu’aja enregistradas. N’i aguèt una de similara en 2007.
Lo volcan esclatèt a 17h16, mas abans, l’institut italian de geofisica e vulcanologia aviá detectat d’escorrements de lava.
La victima mortala èra un torista italian de 35 ans que fasiá una excursion. Èra acompanhat d’un amic brasilièr qu’es estat nafrat. L’erupcion arribèt sobde e las ròcas que sautèron del cratèr lor tombèron dessús. Se trobavan a 400 mètres d’altitud dins una zòna autorizada sens obligacion d’èsser acompanhats d’un guida competent.
L’erupcion inesperada causèt la panica demest los abitants que se vegèron environats de cendre e de fuòc. Per ara, los servicis de proteccion civila an evacuat qualques abitants de la vila de Ginostra.
Estrombòli es un dels volcans pus actius de la planeta e ten d’erupcions frequentas dempuèi 1932. Segon l’Institut italian de geofisica e vulcanologia, aquesta erupcion es una de las pus fòrtas qu’aja enregistradas. N’i aguèt una de similara en 2007.
Stromboli, Italy Volcanic eruption Bird's view pic.twitter.com/0wp3wubgM2
— Anil Charley (@CharleyAnil) 3 de juliol de 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquesta erupcion sembla d'aver susprés los organismes de Geofisica. Del còp, aqueles organismes me fan pensar als especialistas d'economia que fan fòrça rasonaments subre l'unicitat del sistèmi capitalista (los autres essent utopistas…) e que, a cada crisi màger, non venon venir res e constaton los auvaris e las misèrias consecutivas amb fatalisme cinic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari