Actualitats
Es defuntat João Gilberto, paire de la bossa nova
Amb Antônio Carlos Jobim e Vinicius de Moraes, es considerat coma un dels paires d'aquel estil musical que fa una fusion de la samba e del jazz
Es mòrt a 88 ans João Gilberto. Amb Antônio Carlos Jobim e Vinicius de Moraes, es considerat coma un dels paires d'aquel estil musical que fa una fusion de la samba e del jazz e qu’es admirat pertot dins lo Mond.
Nascut a Juazeiro, dins lo nòrd-èst de Brasil, Gilberto comencèt de cantar en public a 18 ans pauc abans de se gandir a Rio de Janeiro. Introduguèt la bossa nova en 1959 amb son album Chega de saudade. Puèi publiquèt fòrça autres albums. De soslinhar l’album Getz/Gilberto, sortit en 1964, en collaboracion amb lo saxofonista estatsunidenc Stan Getz; d’aquel album se vendèron de milions de còpias, e João Gilberto ganhèt qualques prèmis Grammy e propaguèt la bossa nova dins lo Mond entièr.
Nascut a Juazeiro, dins lo nòrd-èst de Brasil, Gilberto comencèt de cantar en public a 18 ans pauc abans de se gandir a Rio de Janeiro. Introduguèt la bossa nova en 1959 amb son album Chega de saudade. Puèi publiquèt fòrça autres albums. De soslinhar l’album Getz/Gilberto, sortit en 1964, en collaboracion amb lo saxofonista estatsunidenc Stan Getz; d’aquel album se vendèron de milions de còpias, e João Gilberto ganhèt qualques prèmis Grammy e propaguèt la bossa nova dins lo Mond entièr.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Olha que cosa mais linda, gena de grassa que passa sosinha o corpo dourada , caminho de mar.
Visca la Bosa Nova!
Coma lo país Jaurés, sofrissi del sindròm de Lisbona.
Me pòdi pas passar d'anar qualque temps dins un airal ont la lenga dels cada-jorns es, siá la nòstra lenga bessona- lo catalan, siá la lenga pus pròcha, al regard de la fonología (al mens pel lengadocian)- vòli parlar del portugués; quin plaser d'ausir per carrièira, al Portugal, al Brasil una lenga que la musica pòt far somiar los occitanistas que sèm, coma fasiá somiar Jaurés, que o disiá tan plan dins sa letra de Lisbona que pareguèt dins " La Despacha".
Aquò dich, podèm pas doblidar que Joao Gilberto fugiguèt la dictadura; podèm pas doblidar çò qu'es lo Brasil del jorn d'auèi; podèm pas amagar tanpauc lo fach que lo portugués es tanben un lenga dominanta qu'escafa las lengas autoctònas, amb la benediccion del poder actual...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari