capçalera campanha

Actualitats

Lenga

Catalonha: an presentat lo sondatge d’usatges lingüistics amb de bonas nòvas per l’aranés

De 2013 a 2018 a aumentat en Aran la coneissença de l’occitan. E mai creis de quatre ponches l’usatge inicial de la lenga

| @llenguacatalana
La Generalitat de Catalonha presentèt ièr lo Sondatge d’Usatges Lingüistics de l’an 2018 que presenta de resultats fòrça bons per la lenga occitana en Aran. Dins una ceremònia presidida pels drapèus catalan e aranés, la conselhièra de la cultura, Mariàngela Vilallonga, soslinhèt qu’aquel sondatge conteniá una mòstra especifica per l’occitan en Aran.
 
Las donadas son encoratjantas. A aumentat la coneissença de l’occitan aranés demest la populacion d’entre 15 e 29 ans: un 90,6% comprenon la lenga, un 75,2% la sabon parlar, un 87,4% la sabon legir e un 72,2% la sabon escriure. En mai d’aquò, l’occitan es la lenga iniciala del 21,4% dels araneses dins lors relacions socialas, aquò fa un aument de quatre ponches percentuals a respècte del sondatge de 2013. Lo catalan es la lenga iniciala del 16,3% de la populacion d’Aran del temps que l’espanhòl es la lenga iniciala de la majoritat (un 37,7%). “Se demòstra qu’aprenon gràcias a l’escòla la lenga pròpria del territòri e qu’acaban lor escolarizacion en coneissent las tres lengas”, çò diguèt Ester Franquesa. De soslinhar que la Generalitat de Catalonha investís en Aran mai de 6000 èuros dins l’educacion immersiva en occitan als nivèls primari e segondari.

Per quant al catalan, lo 94,4% de la populacion del Principat de Catalonha de mai de 15 ans lo comprenon, l’81,2% lo sabon parlar, l’85,5% lo sabon legir e lo 65,3% lo sabon escriure. L’usatge social a aumentat leugièrament dins l’encastre comercial e se manten dins las bancas e l’administracion de l’estat. Totun, es un 70% de las personas que començan abitualament lors convèrsas en catalan.

 
 
 




Documents

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
5.

La politica educativa de la Generalitat es meravelhosa. Visca Catalunya e visca l'Aran!

  • 8
  • 0
Mèfi ! 31
4.

Ara, gaireben tot se legís e s'escriu sus internet, e mai que mai les rets socials.
Aquò tèn saique mai de plaça que la paraula sonòra...
Es besonh de rets socials en occitan...
De senhalar le problèma de l'escritura predictiva, que le tauleton te demanda d'enregistrar cada mot novèll...

  • 6
  • 0
Merlhanton
3.

S'ai plan comprés l'article, aquò fa 2125 personas que pensan en aranés.
Braves pichons.

  • 2
  • 2
Ein Stein
2.

França es una arma culturala e sociala de destruccion massisa.

  • 8
  • 0
Mèfi! 31
1.

Dins l'òrdre la connoissència passiva, orala (comprèner), mentala (legir), puèis la connoissència activa, orala (parlar) e mentala (escriure); çò qu'es l'òrdre natural, que vèn de l'entorn sonòre e visual e de l'ensenhament immersiu. La romanitat communa adjudant la versatilitat de las gents.
Sembla qu'en França, la natura del francés e de l'ensenhament de las lengas en general e de la lengas romanicas sia un obstacle.
Cal senhalar l'incapacitat creissenta en Occitània a la percepcion e la realizacion de las vocalas atònas de las lenguas romanicas...
E l'occitan que tinda ponhtut!

  • 7
  • 0

Escriu un comentari sus aqueste article