Actualitats
Grècia vira a drecha dins sas eleccions legislativas e Nòva Democracia obten la majoritat absoluda
Aleksis Tsipras a melhorat sos resultats a respècte dels marrits qu’obtenguèt a las europèas. Los neonazis d’Alba Daurada son sortits del parlament grèc
Quatre ans après desfisat la tròica, ara Grècia es virada devèrs la drecha. Dins las eleccions legislativas d’aquesta dimenjada, lo partit conservator Nòva Demoracia a gaireben atench un 40% dels vòtes. Aquel resultat garentís la majoritat absoluda al parlament e es doncas mai que probable que Kiriakos Mitsotakis venga primièr ministre. De soslinhar que lo sistèma electoral grèc dona 50 deputats suplementaris al partit ganhant e, per tant, 158 sètis sus 300 seràn de Nòva Democracia.
Lo primièr ministre sortent, Alexis Tsipras, es arribat de recuperar una bona partida dels vòtes qu’aviá perduts a las eleccions europèas. Foguèt justament aquela desfacha que lo forcèt a avançar las eleccions en Grècia. Ça que la, amb un 31,53% dels vòtes, Syriza aurà pas que 86 sètis. Dins las darrièras eleccins estatalas obtenguèt un pauc mai del 35% dels vòtes e 145 deputats.
Lo tresen partit es lo Movement pel Cambiament (KINAL), ancian PASOK, amb 22 deputats (un 8,10% dels vòtes), seguit del Partit Comunista de Grècia (KKE) amb 15 deputats e un 5,30% dels vòtes. Lo partit pròrus e ultranacionalista Solucion Grèga (Elliniki Lysi) a 10 deputats (3,70%) e remplaça los neonazis d’Alba Daurada a l'ultradrecha parlamentària,puèi qu’amb sonque un 2,97% dels vòtes Alba Daurada sortís del parlament. Quant a MERA25, lo partit de l’èx-ministre de l’economia Iannis Varoufakis, ten lo 3,44% dels vòtes e 10 deputats.
Lo primièr ministre sortent, Alexis Tsipras, es arribat de recuperar una bona partida dels vòtes qu’aviá perduts a las eleccions europèas. Foguèt justament aquela desfacha que lo forcèt a avançar las eleccions en Grècia. Ça que la, amb un 31,53% dels vòtes, Syriza aurà pas que 86 sètis. Dins las darrièras eleccins estatalas obtenguèt un pauc mai del 35% dels vòtes e 145 deputats.
Lo tresen partit es lo Movement pel Cambiament (KINAL), ancian PASOK, amb 22 deputats (un 8,10% dels vòtes), seguit del Partit Comunista de Grècia (KKE) amb 15 deputats e un 5,30% dels vòtes. Lo partit pròrus e ultranacionalista Solucion Grèga (Elliniki Lysi) a 10 deputats (3,70%) e remplaça los neonazis d’Alba Daurada a l'ultradrecha parlamentària,puèi qu’amb sonque un 2,97% dels vòtes Alba Daurada sortís del parlament. Quant a MERA25, lo partit de l’èx-ministre de l’economia Iannis Varoufakis, ten lo 3,44% dels vòtes e 10 deputats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Paubrets. Lo qu'els espera.
Grècia èra dirigida d'un ponh de fèrre per la finança europèa e demorarà dirigida per la finança europèa. Virar a dreita ? Vesi pas de qué parlatz…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari