Una granda raia manta oceanica a demandat d’ajuda a un fotograf subaqüatic, près de la còsta de Ningaloo en Austràlia, çò raporta The West Australian. L’animal aviá d’anquets clavelats a l’entorn de l’uèlh drech quand se sarrèt d’un grop de cabussaires e virèt a l’entorn del fotograf Jake Wilton en li mostrant sas nafras. Sul vidèo se pòt veire que l’animal restèt completament immobil quand lo cabussaire li tirèt los anquets que lo nafravan.
 
“Guidi sovent de cabussaires dins la zòna e es coma se [la raia manta] m’aguèsse reconegut e aguèsse agut fe que l’ajudariái”, çò diguèt Wilton.
 
Segon Monty Halls, un biològ marin britanic qu’èra a aquel moment sul vaissèl, la raia manta oceanica “compreniá a cada instant çò que se passava”. D’efièch, quand Wilton tornèt dins l’aiga, l’animal se sarrèt d’el.