capçalera campanha

Actualitats

InternacionalPoliticaSciéncia

Somalia: almens 26 mòrts dins un atemptat terrorista a Kismaayo

Demest las victimas i a d’emplegats d’organizacions umanitàrias, de politicians regionals e de jornalistas

Una de las victimas èra la jornalista Hodan Nalayeh, coneguda dins la television de Canadà, qu'aviá retornat en Somalia per explicar d'istòrias positivas de son país d'origina
Una de las victimas èra la jornalista Hodan Nalayeh, coneguda dins la television de Canadà, qu'aviá retornat en Somalia per explicar d'istòrias positivas de son país d'origina
Almens 26 personas mòrtas e environ 60 nafradas es lo tragic bilanç d’un atemptat terrorista que lo patiguèt divendres passat una ostalariá de la vila de Kismaayo, sus la còsta de Somalia. L’ataca l’a revendicada lo grop jihadista Al Shabab, una milícia que contraròtla una bona partida del centre e del sud de Somalia e qu’en 2012 aderiguèt a Al Qaida.
 
Demest las victimas i a d’emplegats d’organizacions umanitàrias, de politicians regionals e de jornalistas. Entre aquestes jornalistas i aviá Hodan Nalayeh, coneguda a la television de Canadà, qu’èra tornat en Somalia per explicar d’istòrias positivas de son país d’origina.
 
Coma en d’escasenças precedentas, los terroristas faguèron espetar una veitura, e dins la confusion de l’explosion, tres assalhidors abilhats en policièrs intrèron dins l’ostalariá e i restèron tota la nuèch de divendres a dissabte. Onze oras puèi, las fòrças de l’òrdre reüssiguèron a los neutralizar en abatent dos agressors e en n’arrestant un tresen viu. Lo quatren assalhidor èra lo kamikaze que faguèt espetar la veitura.

 
 
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
1.

Al Qaida lo pitjor, ja poden cercar entre: la mafia americana, la cia, lo NORAD que faguet los atemptats de las torres bessonas. Mas Al Qaida s'endú lo titol de la mai dolenta e assassina .

  • 3
  • 0

Escriu un comentari sus aqueste article