Actualitats
Ursula von der Leyen serà la presidenta de la Comission Europèa
Es la candidata prepausada pels estats après fòrça negociacions. Los partits an renonciat a prepausar un candidat per manca de consens dels 28
Ursula von der Leyen serà la presidenta de la Comission Europèa, en remplaçant Jean-Claude Juncker. Los estats membres de l’UE l’avián prepausada lo 2 de julhet passat après de nombrosas negociacions. Lo Parlament Europèu n’a aprovèt dimars la candidatura amb lo 51,3% dels vòtes gràcias als sostens del Partit Popular Europèu, dels liberals, del Movement 5 Estelas e d’una partida dels deputats socialistas. Al total, 374 deputats votèron en favor de sa candidatura, 327 s’i opausèron e 22 s’abstenguèron. Uèi, von der Leyen quita sa carga de ministra de la defensa alemanda.
Europeïsta convencuda
Von der Leyen a 60 ans, es metgessa, a 7 enfants, es de fe luteriana. Comencèt sa carrièra politica dins l’estat de la Bassa Saxònia, que son paire ne foguèt lo primièr ministre. Puèi, al nivèl federal, a fach partida de totes los gabinets de la cancelièra Angela Merkel. Es tanben considerada coma una europeïsta convencuda e ela meteissa o a remembrat aqueles jorns per convéncer los eurodeputats. De fach, nasquèt en Brussèlas en 1958 e faguèt sos primièrs estudis a l’escòla europèa d’aquela vila flamenca. Puèi anèt en Alemanha e acabèt sos estudis d’economia a Londres.
Ara, vendrà la primièra femna presidenta de la Comission Europèa e s’es ja engatjada a qu’almens la mitat dels eurocomissaris sián de femnas.
Lo poder executiu de l’UE
La Comission Europèa es una institucion politicament independenta que baileja lo poder executiu de l'Union Europèa. Son objectiu principal es de prepausar la legislacion, las politicas e los programas d'accion, e pereu es responsabla de l’aplicacion de las decisions del Parlament Europèu e del Conselh Europèu.
En mai d’aquò, los caps d’estat europèus an tanben decidit que lo bèlga Charles Michel serà lo president del Conselh Europèu; la francesa Christine Lagarde bailejarà la Banca Centrala Europèa e lo ministre dels afars exteriors de l’estat espanhòl, Josep Borrell, serà lo cap de la diplomacia e de la seguretat europèas.
Europeïsta convencuda
Von der Leyen a 60 ans, es metgessa, a 7 enfants, es de fe luteriana. Comencèt sa carrièra politica dins l’estat de la Bassa Saxònia, que son paire ne foguèt lo primièr ministre. Puèi, al nivèl federal, a fach partida de totes los gabinets de la cancelièra Angela Merkel. Es tanben considerada coma una europeïsta convencuda e ela meteissa o a remembrat aqueles jorns per convéncer los eurodeputats. De fach, nasquèt en Brussèlas en 1958 e faguèt sos primièrs estudis a l’escòla europèa d’aquela vila flamenca. Puèi anèt en Alemanha e acabèt sos estudis d’economia a Londres.
Ara, vendrà la primièra femna presidenta de la Comission Europèa e s’es ja engatjada a qu’almens la mitat dels eurocomissaris sián de femnas.
Lo poder executiu de l’UE
La Comission Europèa es una institucion politicament independenta que baileja lo poder executiu de l'Union Europèa. Son objectiu principal es de prepausar la legislacion, las politicas e los programas d'accion, e pereu es responsabla de l’aplicacion de las decisions del Parlament Europèu e del Conselh Europèu.
En mai d’aquò, los caps d’estat europèus an tanben decidit que lo bèlga Charles Michel serà lo president del Conselh Europèu; la francesa Christine Lagarde bailejarà la Banca Centrala Europèa e lo ministre dels afars exteriors de l’estat espanhòl, Josep Borrell, serà lo cap de la diplomacia e de la seguretat europèas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La paure enrevoltada de fachas, aurà de traures lo genit per ajudar a los Drets Humans dels catalans.
En mai d’aquò, los caps ordoliberals d’estat europèus an tanben decidit que l'ordoliberal bèlgue Charles Michel serà lo president del Conselh Europèu; l'ordoliberrala francesa Christine Lagarde bailejarà la Banca Centrala Europèa e lo ministre ordoliberal, antidemocratic e anticatalanista dels afars exteriors de l’estat espanhòl, Josep Borrell, serà lo cap de la diplomacia e de la seguretat europèas. Aital, Espanha e França, respectivament criptfranquista e criptoveichista, poiràn dormir tranquilas : lo dreit dels pòbles a dispausar de se-meteis jamai non serà pas seriosament requesit ni reclamat del som d'Euròpa essent… ni mai lo dels pòbles a reclamar mai de democracia economica e sociala !
Tot vai plan dama Marquisa. L'òm bòta en plaça daus reis 'o reinas) e l'òm se pausa pas la question de saber qual poder los deputats an dins aquelas designacions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari