CAPÇALERA PAIS INVISIBLE

Actualitats

InternacionalSocietat

Kyoto: almens 33 mòrts après un incendi criminal dins un famós estúdio d’animacion

Un òme de 41 ans es intrat dins lo sit e a lançat un liquid inflamable qu’aluquèt. Nafrat, susvelhat a l’espital per la polícia que l’interrogarà

| Reuters
Almens 33 personas mòrtas e una quarantena de nafradas es lo tragic bilanç de l’atac que lo patiguèt ièr un celèbre estúdio d’animacion a Kyoto (Japon). Un òme de 41 ans intrèt dins lo sit de Kyoto Animation e lancèt un liquid inflamable qu’aluquèt. Segon lo testimoniatge d’un dels nafrats, l’agressor cridava “Morissètz!”. Qualques testimoniatges dison que s'ausiguèt una fòrta explosion abans l’incendi.
 
Environ 40 camions de pompièrs anèron sus plaça e amortèron lo fuòc, mas las flamas avián ja destruch una partida pro importanta de la bastissa. Quand la polícia foguèt intrada, trobèt l’autor de l’atac demest los nafrats. Ara el, qu’a reconegut èsser l’assalhidor, demòra a l’espital, susvelhat per la polícia.
 
Los estúdios de Kyoto Animation emplegan environ 160 salariats. La societat se creèt en 1981 e produtz de filmes d’animacipn mai que mai per la television; ne podem soslinhar Clannad, A Silent Voice, K-On o La malenconiá de Haruhi Suzumiya.



 

 

 

 



 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article