Actualitats
Kosova: demission del primièr ministre a causa d’una enquista sus de crimes de guèrra
Foguèt aquitat d’aquelas acusacions en 2008 e 2012
Lo primièr ministre de Kosova, Ramush Haradinaj, demissionèt lo 19 de julhet après èsser estat cridat pel procuraire especialista de la Cort Internacionala de L’Aia que l’a mes en examen per crimes de guèrra contra la populacion serbokosovara.
Haradinaj èra oficièr de l’Armada de Liberacion de Kosova (UÇK) pendent la guèrra de 1998 a 2000 contra las fòrças sèrbas. Lo dirigent a afirmat que podiá pas èsser primièr ministre e suspècte a l’encòp, e per aquela rason a demissionat.
S’espèra que lo procuraire d’aquela cort especializada en crimes de guèrra en Kosova acuse los èx-combatents de l’UÇK d’assassinats, de sequestracions illegalas e de violéncia sexuala. Ça que la, cap d’acusacion es pas encara estada facha.
Una situacion similara se produguèt en març de 2005, quand Haradinaj, qu’èra alavetz primièr ministre dins una administracion precedenta, renoncièt après èsser estat acusat pel Tribunal Penal Internacional per l’anciana Iogoslavia.
Haradinaj foguèt relaxat de crimes de guèrra en 2008 a causa de la manca de pròvas e o foguèt un segond còp pel tribunal de las Nacions Unidas en novembre de 2012.
Haradinaj èra oficièr de l’Armada de Liberacion de Kosova (UÇK) pendent la guèrra de 1998 a 2000 contra las fòrças sèrbas. Lo dirigent a afirmat que podiá pas èsser primièr ministre e suspècte a l’encòp, e per aquela rason a demissionat.
S’espèra que lo procuraire d’aquela cort especializada en crimes de guèrra en Kosova acuse los èx-combatents de l’UÇK d’assassinats, de sequestracions illegalas e de violéncia sexuala. Ça que la, cap d’acusacion es pas encara estada facha.
Una situacion similara se produguèt en març de 2005, quand Haradinaj, qu’èra alavetz primièr ministre dins una administracion precedenta, renoncièt après èsser estat acusat pel Tribunal Penal Internacional per l’anciana Iogoslavia.
Haradinaj foguèt relaxat de crimes de guèrra en 2008 a causa de la manca de pròvas e o foguèt un segond còp pel tribunal de las Nacions Unidas en novembre de 2012.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La justicia dels vencedors es la venjança, no se li a de far ges de cas.
E contra los Republicans catalans, castelhans, aragoneses e basques, quantes crimis non seràn pas jamai pagats ?
Be es pas una sospresa eh... i a agut de nombrós crimes còntra lei Sèrbs e leis autrei minoritats etnicas de Kosovo pendent la guèrra d'independéncia... e aquò amb lo sosten de l'Union Europèa e deis USA.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari