capçalera biera tobiers

Actualitats

InternacionalPoliticaSocietat

Sant Petersborg: an assassinada Ielena Grigorieva, jornalista e activista LGBTI

Son nom foguèt mençonat per un sit web omofòb qu’encoragja de “caçar” los activistas e los jornalistas LGBTI. Ela aviá ensajat de denonciar a la polícia de menaças e de violéncias subidas

| Dinar Idrisov
An assassinada la jornalista russa Ielena Grigorieva, activista per l’egalitat dels dreches LGBTI. La tuèron dimenge passat, 21 de julhet, après que son nom foguèt citat per un sit web omofòb qu’encoratja de “caçar” los activistas e los jornalistas LGBTI, çò rapòrta Infobae.
 
Grigorieva fasiá partida de l’Aliança d’Eterosexuals e de Personas LGBTI per l’Egalitat dels Dreches de Sant Petersborg, e jonhiá sovent las protèstas e manifestacions qu’aquela organizacion menava a bon tèrme. Tanben participava activament a las manifestacions antiguès e prò-democracia. Aviá una filha de 20 ans.
 
Grigorieva aviá recebudas plusors menaças de mòrt, tant dirèctament coma pels rets socials, çò rapòrtan l’activista Dinar Idrisov e lo Ret Rus LGBTI. Segon Idrisov, Grigorieva e son avocat avián denonciat a la polícia locala qu’avián patidas de menaças e de violéncias fisicas, mas la polícia las enregistrèt pas.
 
Lo còrs de Grigorieva lo trobèron dimenge de ser, aviá patidas sèt escoteladas. Las autoritats an dobèrta una enquista mas se sap pas se l’afar serà tractat coma un crime d’òdi.
 
 
 
 
 
 

 

 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Ai sentit parlar que los russos es cresen molt masclas masclots, e que no i a maricons. Mas s'equivocan, tant de presumir e resulta que tamben i a omosexuals que fan lo paper de mascle dins la parelha omosexual, mas non se notan que o son. Possiblement a Russia n'i a molts d'omosexuals e lesbianas.

  • 1
  • 1

Escriu un comentari sus aqueste article