Milèrs d’aranesi que reclamen aué, en ua jornada revendicativa, esportiva e hestiva, er usatge sociau dera lengua occitana en país de cap de Garona. Se tracte dera 26u edicion dera corsa Aran per sa Lengua, ua manifestacion per usatge sociau dera lengua deth país ena quau fòrça aranesi trauèrsen era Val, a pè o en tot córrer. Es correires que gessen de Les, de Montgarri o deth Pòrt de Vielha e que s’amassen ath ser ena plaça de Vielha. Aquiu que se i amassen normaument un milèr de persones, e dempús des actes e des discorsi, un brave e animat concèrt de Nadau que clave ua jornada que cada an ven istorica.
 
Es donades positives deth darrèr sondatge d’usatges lingüistics en Aran que mèrquen aquera 26u edicion dera corsa, que cada an se ten tostemp eth darrèr dimenge de junhsèga e qu’ei organizada peth collectiu aranés Lengua Viua. “Qui ten era lengua ten era clau”: qu’ei eth lèma d’aquera corsa, extrèt d’un poèma de Frederic Mistral.
 
Era corsa que compde cada an damb mès compatriòtes de Garona enjós, que vien tanplan a botjar-se per aranés, qu’ei, fin finau, eth nòste occitan.
 
 
 
 
FM
 
 
 

Torne aguesta setmana era corsa Aran per sa Lengua, qu'organize eth collectiu Lengua Viua entà promòir er usatge sociau der aranés.
Dimenge que ven qu'aurà lòc era sua 26au edicion!! pic.twitter.com/XVA36rjph8

— EthLigamOccitan (@ethligamoc) July 24, 2019