Actualitats
La Cort Suprèma dels Estats Units permet a Trump d’emplegar los fonzes del Pentagòn per bastir lo mur de la frontièra mexicana
Es atal que lo tribunal a anullat lo blocatge d’un jutge federal de Califòrnia qu’argumentava que lo Congrès aviá pas autorizat de destinar aquel argent al mur
La Cort Suprèma dels Estats Units a permés al president Donald Trump d'utilizar 2,5 miliards de dolars, que fasián partida del budget del Pentagòn, per bastir lo mur sus la frontièra amb Mexic. Es atal que lo tribunal, de majoritat conservatritz, a anullat lo blocatge d’un jutge federal de Califòrnia qu’argumentava que lo Congrès aviá pas autorizat de destinar aquel argent al mur.
Trump s’es congostat sus Twitter. “Granda victòria pel mur. La Cort Suprèma dels Estats Units permet que lo mur contunhe. Grand trionf per la seguretat de la frontièra de l’estat de drech”, çò i a escrich. Quant als jutges, an assegurat, dins un document brèu, que i aviá pas de rasons fondamentadas per empedir de destinar d’argent a aquel projècte contraversiat.
Lo 15 de febrièr, Trump declarèt l’urgéncia nacionala per ensajar de finançar lo mur sens l’aprobacion del Congrès, qu’aviá refusat l’autorizacion per emplegar los 2,5 miliards de dolars del Pentagòn. Alavetz, Trump anoncièt que pensava de far servir 6,7 miliards del departament de la defensa e del Tresaur.
Trump s’es congostat sus Twitter. “Granda victòria pel mur. La Cort Suprèma dels Estats Units permet que lo mur contunhe. Grand trionf per la seguretat de la frontièra de l’estat de drech”, çò i a escrich. Quant als jutges, an assegurat, dins un document brèu, que i aviá pas de rasons fondamentadas per empedir de destinar d’argent a aquel projècte contraversiat.
Wow! Big VICTORY on the Wall. The United States Supreme Court overturns lower court injunction, allows Southern Border Wall to proceed. Big WIN for Border Security and the Rule of Law!
— Donald J. Trump (@realDonaldTrump) July 26, 2019
Lo 15 de febrièr, Trump declarèt l’urgéncia nacionala per ensajar de finançar lo mur sens l’aprobacion del Congrès, qu’aviá refusat l’autorizacion per emplegar los 2,5 miliards de dolars del Pentagòn. Alavetz, Trump anoncièt que pensava de far servir 6,7 miliards del departament de la defensa e del Tresaur.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cresi que los EEUU an d'aver unas fronteras coma tots los paisos del mond, la question es qui la pagarà, e trobi que Trump a trobat la solucion fent o pagar al Pentagon que té lo 90% del presupost Federa.
Granda victòria pel mur. La Cort Suprèma dels Estats Units permet que lo mur continue. Grand triomfe per la securitat de la frontièra de l’estat dels dreits dels mai rics a o aver tot jol nas de totes los autres que non an dreit a res. Grands nulasses que son, aqueles latinos : se volián èsser rics, non avián qu'a nàisser del bon costat de la frontièra ! Lo nòstre país defendrà sempre los dreits del mai rics a o aver tot e a espleitar los que non an dreit a res qu'a se sometre e a trimar per nosautres, o a anar crebar paures endacòm mai dins sa misèria plan meritada. E nòstres rics los espleitaràn per, de riquesa, n'aver sempre mai encara, mercés a la susor d'aqueles paures, mas quand n'avèm besonh, e se nos fa besonh, res mai… Dieu o vòl. Es per aquela rason que capitam. Sèm lo pòble elegit. Es per aiçò qu'esclairam lo mond e que tot lo mond nos pren per referéncia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari