Actualitats
Lo govèrn britanic s’alestís per un Brexit sens acòrdi
Lo ministre Michael Gove assegura que lo 31 d'octòbre lo Reialme Unit quitarà l'Union Europèa tant se i a acòrdi coma se n'i a pas
Lo numèro dos del govèrn britanic, Michael Gove, a assegurat que l’executiu de Boris Johnson fa tot çò possible per s’alestir per la possibilitat d’un Brexit sens acòrdi lo 31 d’octòbre venent, quand expira lo darrièr relambi concedit per Brussèlas. Gove, que s'encarga de preparar una sortida sens acòrdi de l'Union Europèa, a assegurat que lo "govèrn trabalha a grand galaup" per èsser prèst. "Amb un nòu primièr ministre, un nòu govèrn e mai de clartat dins la mission, sortirem de l'Union Europèa lo 31 d’octòbre. Sens cap de contestacion. I aurà pas pus de retards. Lo Brexit se farà", çò explicat Gove dins un article publicat dins l’edicion dominicala del quotidian The Times.
Segon Gove, lo primièr ministre Johnson a creat un "gabinet de guèrra" integrat per sièis ministres qu'a la responsabilitat d’arribar al Brexit "amb quina mesura necessària que siá". De fach, lo ministre de l’economia, Sajid Javid, a raportat que i aurà un "finançament sobrenc important" aquesta setmana per que lo Reialme Unit siá "entièrament lèst".
Javid a dich al jornal The Telegraph qu'aquelas ressorsas addicionalas serviràn per far "una de las pus grandas campanhas d’informacion publica", amb la tòca de garentir que las personas e las entrepresas sián prèstas per un Brexit sens pache.
Dins son primièr discors coma primièr ministre, Boris Johnson lancèt un ultimatum a l'Union Europèa per que "reconsiderèsse" son refús de tornar negociar amb Londres l’Acòrdi de Retirament signat en novembre de 2018 amb Theresa May. Totun, l'Union Europèa respondèt que pensava pas de tornar negociar res.
Segon Gove, lo primièr ministre Johnson a creat un "gabinet de guèrra" integrat per sièis ministres qu'a la responsabilitat d’arribar al Brexit "amb quina mesura necessària que siá". De fach, lo ministre de l’economia, Sajid Javid, a raportat que i aurà un "finançament sobrenc important" aquesta setmana per que lo Reialme Unit siá "entièrament lèst".
Javid a dich al jornal The Telegraph qu'aquelas ressorsas addicionalas serviràn per far "una de las pus grandas campanhas d’informacion publica", amb la tòca de garentir que las personas e las entrepresas sián prèstas per un Brexit sens pache.
Dins son primièr discors coma primièr ministre, Boris Johnson lancèt un ultimatum a l'Union Europèa per que "reconsiderèsse" son refús de tornar negociar amb Londres l’Acòrdi de Retirament signat en novembre de 2018 amb Theresa May. Totun, l'Union Europèa respondèt que pensava pas de tornar negociar res.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Johnson se servis de racisme e d’islamofobia per mobilizar los simpatizants. Es sostengut per Donald Trump, que vòl signar un tractat de comèrci amb lo Reialme Unit, e d’un molon de milionaris. Johnson vòl far coma una terrejaira a la buta-buta per sortir de l'Union Europèa, çaquelà es plan probable que lo porcàs e son gabinet d’extrèma drecha s’enfangaràn dins la baudralha juridica. Per exemple, la Lei de l'Union Europèa (Sortida) de 2018 insistís que la sortida non pòsca atenuar la cooperacion de tota forma entre l’Irlanda del Nòrd (Irlanda Ocupada) e la Republica d'Irlanda segon l’Acòrdi de Divendres Sant. Las proposicions de Bojo e de sos amics van a l’encontre d’aquesta lei.
http://www.legislation.gov.uk/ukpga/2018/16/section/10/enacted
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari