CAPÇALERA PAIS INVISIBLE

Actualitats

Societat
crotz-tolosaCreated with Sketch.ProvençaProvençaTolonenc

Oliulas: tres mòrts dins una fusilhada

Un reglament de comptes entre criminals a coma resultat tanben la mòrt d’una femna innocenta qu’èra en vacanças

| @News1English
Tres personas mòrtas es lo tragic bilanç d’una fusilhada dimenge passat, 28 de julhet, a Oliulas (Tolonenc). Un reglament de comptes entre criminals a coma resultat tanben la mòrt d’una femna innocenta.
 
Un reglament de comptes sus fons de trafec d’estupefasents es l’ipotèsi privilegiada, segon lo procuraire de Tolon, “per lo mòde operatòri e còmpte tengut de la personalitat dei victimas visadas”. Mas una de las personas tuadas es una femna de 58 ans, passatgièra d’un scooter, que recebèt una bala perduda. Son marit, que menava la motocicleta, foguèt nafrat al braç e menat a l’espital. Èran de toristas borgonheses que passavan lors vacanças en Provença.
 
Los autres dos mòrts son dos òmes de 29 e 30 ans. Èran estats condemnats “mai d’un còp”, segon lo viceprocuraire, per usatge e trafec d’estupefasents. Una de las victimas portava un pistolet automatic cargat e 200 gramas de resina de cannabis “condicionats per la venda al detalh”, çò rapòrta Le Monde.
 
Los assassins èran dos. Fugiguèron a pè en traversant la ribièra que passar per darrièr l’estacion de lavatge ont se passèt l’assassinat. Las victimas èran arribadas aquí una ora abans d’èsser tuadas.
 
Sus plaça an trobat 29 cartochas de calibre 7,62 que, segon lo viceprocuraire, correspondrián a un fusilh del tipe kalashnikov.
 
 
 
 



 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Las Gandas
5.

#4

Se parla Business non pas cortesia , nimai simpatia !

A 100 000 € /mes, se foton de tos estres e de la foira verbala dels bisonors !

  • 5
  • 6
Tuco Ramirez Cementèri de Sad Hill
4.

#3 Confondes morala, folosofia e sociologia. Mas plan mercés per la cortesia…

  • 5
  • 5
Las Gandas
3.

#1
https://www.nouvelobs.com/rue89/rue89-nos-vies-connectees/20111230.RUE6776/a-marseille-un-bon-dealer-se-fait-100-000-euros-par-mois.html

D’aprèp un libre de compte trobat : 110 950 euros par mois, soit plus d’1,3 million d’euros par an… en liquide et net d’impôts.

Una brava concurencia pels Bac + 10.
Tanben los Bacs - 10 fan florès !
Los presics moralistes los te pòdes tornar dins la saqueta !

  • 6
  • 5
Pierre Terral
2.

Sabèm que la malurosa victima s'apelava Catherine Santos, mas cossí s'apelavan las doás autras "victimas" d'aquel "estupefasent" manca de "fraternitat e de convivéncia" ? "Desbromb" ?

  • 9
  • 6
Sentenza Cementèri de Sad Hill
1.

Los afars son los afars… Tant que i a de demanda, continuarà l'ofèrta. E tant qu'es illegala l'ofèrta, los comptes se reglaràn d'aqueste biais per organizar lo mercat. Ne podètz sacar milanta en preison. Amb la pression de la demanda del mercat, sempre se'n levaràn milanta autres per i respondre, e plan segur, per se reglar los comptes en ocupant lo mercat.

Costat consomators, la bona question seriá de se demandar perqué la demanda de paradises articificials creis sempre mai. Qué fugisson los que los demandan, qu'abans fugissián mens ? De quina malautiá terribla patís donc lor societat ? Qué cèrcan dins los estupefasents que non tròban endacòm mai ? E perqué non o tròban mai endacòm mai ?

Costat productors e distributors, l'autra bona question seriá de se demandar perqué sempre mai trobam joves per s'enançar dins aqueste trafec que s'acaba pr'aquò siá amb de plomb pel cap, siá en preison… Semblariá plan que, de mai en mai, la societat qu'engimbra aqueles comportaments "desviants" agèsse de mens en mens d'alternativas bastidoiras e motivantas de propausar a la joventut venguda dins la paurilha…

Trabalhar, si-ben, mas… per una misèria, aquò non interèssa pas mai la joventut, que vòl viure (o morir) e non pas subreviure sonque… Dins una societat sense perspectiva evolutiva ont lo paurum es de mai en mai assignat definitivament a la misèria, non se cal estranhar de veire se multiplicar los comportaments desviants.

  • 11
  • 3

Escriu un comentari sus aqueste article