An increpat lo nòu primièr ministre britanic, Boris Johnson, dins sa vesita oficiala d’Escòcia aqueste diluns. Johnson, afogat del Brexit, foguèt la buta dels crits de desaprobacion de la molonada quand arribava a la residéncia oficiala de la primièra ministra escocesa, Nicola Sturgeon.
 
Durant la vesita d’una basa navala escocesa, Johnson aviá afortit que permetriá pas un autre referendum d’independéncia en Escòcia. “Se’n fa solament un dins la vida. Dins una generacion. Totes o sabián. Aital èra l’acòrdi quand se votèt e seriá una error absoluda de rompre aquela promessa facha als escoceses e als britanics en fasent un autre referendum”.
 
En mai d’aquò, lo primièr ministre britanic insistís per considerar mòrt l’acòrdi de sortida de l’Union Europèa e es convencut que se’n negociarà un autre abans lo 31 d’octòbre. En cas que non, vòl abandonar l’UE sens acòrdi.