Mexic considèra que lo masèl de El Paso, ont un tiraire tuèt un vintenat de personas dissabte passat, es una ataca terrorista contra la comunautat mexicana dels Estats Units. Dins aquel sens, estúdia cossí demandar l’extradicion del presumit assassin. En mai d’aquò, las autoritats mexicanas vòlon far una denóncia internacionala per terrorisme en cercant atal d’aver l’informacion de tota l’enquista, e sollicitan dels Estats Units que revisen lor politica sul contraròtle de las armas.
 
 
Un crime racista
 
S’agís del chaple pus grand que l'an patit los Estats Units dins los dos darrièrs ans. Un tiraire tuèt 22 personas e ne nafrèt d’autras 24 dins un centre comercial. Lo presumit assassin, ara detengut, es un jove estatsunidenc de 21 ans qu’aviá publicat sus Internet son chepic d’una pretenduda “invasion ispanica de Tèxas”. Segon el, los ispanofòns prenon los emplecs dels estatsunidencs e “polluisson la genetica”.
 
Los democratas estatsunidencs acusan dirèctament lo president Donald Trump  de “racisme” e d’èsser tròp complasent amb lo “supremacisme blanc”. De son caire, Trump a dich sus Twitter que “i a pas cap de rason ni de pretèxt que justifique en cap de cas l’assassinat de personas innocentas”, mas pel primièr còp a condemnat publicament lo racisme e lo supremacisme blanc.
 
 

Tiroteo en El Paso, Texas: ¿cómo puede México presentar una demanda por terrorismo contra el sospechoso de la masacre en EE.UU.? https://t.co/LWID7m7hoJ

— Pablo Manuel Peralta (@Peralta2Manuel) August 6, 2019

 

Le Mexique qualifie la fusillade d'El Paso d'"acte de terrorisme contre les Mexicains" https://t.co/mXWhtslwmspic.twitter.com/A11nOHznGL

— BFMTV (@BFMTV) August 5, 2019