Lo 21 de julhet passat, se pausèt una placa de carrièra en occitan a Laurós (Larzac) gràcias a l’esfòrç del fogal occitanista local. A l'eveniment foguèron presents lo cònsol màger, Jean-Paul Pailhoux, e plusors vilatgeses, çò rapòrta Midi Libre.
 
Se tracta d’una accion de mai per torrnar los noms de las causas a lor lenga originària, una accion importanta per recobrar un pauc mai l’espaci de normalitat e dignitat desirable per la lenga nòstra. En aquela ocasion, lo nom de la carrièra recobrat es tanben un clar exemple de la deformacion que patisson los toponims del país jos lor forma francizada oficiala: desenant lo dich “Chemin du Cadilhoc” es restaurat coma “Camin del Cap del Luòc”.