capçalera biera tobiers

Actualitats

CulturaLengaSocietatTelevision

Nòu artistas se mobilizan per las lengas minorizadas a la television francesa

D’occitans, bretons, francomteses, còrses e polinesians an interpelat Stéphane Bern per que lors lengas sián representadas dins una emission musicala sus France Télévisions

En Occitània, son los musicians Alidé Sans e Paulin Courtial que signan la letra, datada del 1r d’agost
En Occitània, son los musicians Alidé Sans e Paulin Courtial que signan la letra, datada del 1r d’agost | Alidé Sans - Oficiau
Nòu joves artistas en lengas minorizadas, dont l’occitan, se son mobilizats per obténer una emission musicala a la television francesa en aquelas lengas, çò rapòrta Le Peuple Breton. Per o far, an escrich a Stéphane Bern, un celèbre escrivan, actor e animator de ràdio e television francoluxemborgés, encargat pel president Macron de missions de patrimòni.
 
En Occitània, son los musicians Alidé Sans e Paulin Courtial que signan la letra, datada del 1r d’agost. E mai i son Perryn Bleunven per Bretanha, Billy Fumey per la Franca Comtat, Pauline & Juliette pel Bascoat, Carlotta Rini per Corsega e Raumata Tetuanui per Polinesia. Aqueles joves artistas soslinhan l’importància de lors lengas que las fan “viure cada jorn” amb lors cançons.
 
“Partejam uèi amb vos l’idèa de la creacion sus France Télévisions d’una emission dedicada a las musicas actulas en lengas regionalas. Existís pro d'artistas e de grops per una emission completa e diversificada que presente l'istòria de las lengas regionalas e lor utilizacion dins nòstres repertòris modèrnes e l'imaginari de nòstres univèrses musicals”, çò dison. “Se las lengas regionalas son lo patrimòni de França, son tanben per fòrça d'esperelas un patrimòni transfrontalièr europèu. Recordam doncas a aqueste títol lor reconeissença pel Conselh d’Euròpa e l'UNÈSCO, pròva de lor ancoratge dins nòstra epòca. Identificar, salvar e valorizar lo patrimòni fragil. Nòstre apèl s'inscriu doncas plenament dins aquela cambada e dins la continuitat del ròtle de vòstra mission per tornar l'istòria mai polida; la qu'aprenèm e la que vivèm”.

 
 
 
 
 
 
 
 


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gèli Grande Lairac en Agenés
8.

#7 L'argument es especios ... e pudis a marrida fe

  • 1
  • 9
Gerard Joan Barceló Pèiralata
7.

#6 Avètz dètz e uèch aprobacions, mas tretze opinions contràrias, çò que significa +5.

  • 6
  • 2
Gèli Grande Lairac en Agenés
6.

Quand los comentaris de Gerard Joan Barcelo e de Ge Merlussa passan las dètz aprovacions, lors comentaris se coloran de ròse.
Es estranh quand Gèli Grande contesta que lo Franc Comtés siaga una lenga e que passa de luènh las dètz aprovacions, lo seu comentari demòra blanc.

  • 1
  • 9
Emmanuèl Isopet
5.

Exxxxxcellenta iniciativa! En esperant que tot aquò capite!

  • 11
  • 0
Gerard Joan Barceló Pèiralata
4.

#2 Billy Fumey canta en arpitan, la lenga de la meitat sud de la Franca Comtat.

  • 21
  • 4

Escriu un comentari sus aqueste article