Actualitats
Sinha: la mòrt del cònsol màger a indignat lo país
Foguèt tuat lo 5 d’agost passat, reversat per una veitura que veniá de depausar illegalament d’escobilhas sus un camin privat de sa comuna. L’elegit aviá demandat als passatgièrs de tornar prene lors bordilhas
La mòrt del cònsol màger de Sinha (Tolonenc) ten lo país en estat de chòc e en colèra. Jean-Mathieu Michel foguèt tuat lo 5 d’agost passat, reversat per una veitura que veniá de depausar d’escobilhas illegalament sus un camin privat de sa comuna. Se tenguèt aquel drama après que l’elegit aguèt demandat als passatgièrs de reprene lors bordilhas. La gendarmariá de la Valeta a dobèrt una enquèsta per omicidi volontari agravat del fach de la qualitat de la victima. Ièr, dijòus a 16h, la vila li rendèt omenatge.
“A la Panhòl” segon Le Monde
Michel èra cònsol màger de Sinha dempuèi 1983 e descrich coma totalament consagrat a sa comuna de 2800 abitants. Aviá abandonat l’etiqueta del Partit Socialista de sos primièrs passes politics per proclamar “ma soleta politica es Sinha”. Coneissiá totòm e èra un afeccionat del rugbi e de l’RCT de Tolon.
Per aquela proximitat, e per aquel biais talament occitan de far de politica, lo jornal francés Le Monde, qualifica Michel de cònsol màger “a la Panhòl”.
“A la Panhòl” segon Le Monde
Michel èra cònsol màger de Sinha dempuèi 1983 e descrich coma totalament consagrat a sa comuna de 2800 abitants. Aviá abandonat l’etiqueta del Partit Socialista de sos primièrs passes politics per proclamar “ma soleta politica es Sinha”. Coneissiá totòm e èra un afeccionat del rugbi e de l’RCT de Tolon.
Per aquela proximitat, e per aquel biais talament occitan de far de politica, lo jornal francés Le Monde, qualifica Michel de cònsol màger “a la Panhòl”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un conse "a la Pagnol" , coma lo Michel Serres èra un filosof "a la Pagnol" e lo Jean Lasalle un diputat "a la Pagnol". Le Monde rebata plan l'agach qu'a França vertadièra (la francimanda, solide, la sola que compta ) suls arlèris del Miegjorn. Passat Lèira tot n'es que panholadas. S'aquo's pas de racisme...
#2 Pasmens, legissi que la tèsi de l'omocidi involontari sembla d'èsser estada retenguda. Remplaci "murtre" per "drama".
#1 Mercés de vòstra remarca, mas precisament l'enquista parla d'"omicidi volontari agravat", çò qu'implica un murtre. Presumit, se volètz.
L'emocion d'aquela trista novèla vos deu pas faire obledar la basa dau jornalisme. Sabèm panquèra si s'agís d'un murtre, que l'enquèsta a pas solament comencat ! Una pensada esmouguda per aquel òme.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari