Actualitats
Se presenta lo Collectiu dels Teatres en Lengas Autoctònas
Fondat en julhet passat dins l’encastre de l’Estivada, lo CTLA se presenta uèi, Jorn Internacional dels Pòbles Autoctòns segon l’UNÈSCO, per respondre a l’estat d’urgéncia ont se trapan aqueles teatres a l’ora d’ara
Lo Collectiu dels Teatres en Lengas Autoctònas (CTLA), fondat a Rodés en julhet passat, ven de se presentar al public amb un comunicat, difusat uèi a l’ocasion de la Jornada Internacionala dels Pòbles Autoctòns, que l’UNÈSCO commemòra aqueste 9 d’agost.
Lo CTLA nasquèt dins l’encastre de la darrièra edicion de l’Estivada, portat per la vila de Rodés, al primièr rescontre de teatres en lengas nomenadas “regionalas”, amb la tòca de “respondre a l’estat d’urgéncia ont se trapan aqueles teatres a l’ora d’ara”. Segon lo CTLA, “las companhiás d’aquestes teatres son d’actors dels terraires e òbran per faire tindar lor creativitat dins lors lengas maltractadas”. Per tant, cèrcan de “se ganhar lor plaça legitima dins lo païsatge artistic, cultural, audiovisual e institucional” dins l’estat francés. La còla del CTLA assegura que “i a un besonh, una realitat, una demanda sociala e aquestas companhiás se recampan per obténer un avenidor per la creacion dins las lengas autoctònas” de l'estat francés.
En esperant que lo sit ctla.eu aurà lèu de contenguts, se pòt demandar mai d’informacion per e-mail a contact(a)ctla.eu.
Lo CTLA nasquèt dins l’encastre de la darrièra edicion de l’Estivada, portat per la vila de Rodés, al primièr rescontre de teatres en lengas nomenadas “regionalas”, amb la tòca de “respondre a l’estat d’urgéncia ont se trapan aqueles teatres a l’ora d’ara”. Segon lo CTLA, “las companhiás d’aquestes teatres son d’actors dels terraires e òbran per faire tindar lor creativitat dins lors lengas maltractadas”. Per tant, cèrcan de “se ganhar lor plaça legitima dins lo païsatge artistic, cultural, audiovisual e institucional” dins l’estat francés. La còla del CTLA assegura que “i a un besonh, una realitat, una demanda sociala e aquestas companhiás se recampan per obténer un avenidor per la creacion dins las lengas autoctònas” de l'estat francés.
En esperant que lo sit ctla.eu aurà lèu de contenguts, se pòt demandar mai d’informacion per e-mail a contact(a)ctla.eu.
| fffff | fffff | |
| Comunicat dau CTLA (Collectiu dels Teatres en Lengas Autoctònas) Aquest 9 d’agost sarà per l’UNÈSCO “Jornada Internacionala dels Pòbles Autoctòns”. De mai, au mes de genièr, l’Amassada Generala de l’ÒNU proclamava 2019 “Annada das Lengas Autoctònas”. L’autoctonia concernís França tota e pas sonque sas possessions alunhadas. Las lengas dichas “regionalas” son las lengas autoctònas d’una bèla part de l’espaci metropolitan de la nòstra Republica. Los 18 e 19 de julh de 2019, dins l’encastre dau festenal L’Estivada portat per la vila de Rodés, lo prumièr rescontre dels teatres en lengas regionalas a permés de fondar un collectiu, lo CTLA: Collectiu dels Teatres en Lengas Autoctònas. Aquesta acampada es una primièra e fuguèt organizada per respondre a l’estat d’urgéncia ont se trapan aqueles teatres a l’ora d’ara. Las companhiás d’aquestes teatres son d’actors dels terraires e òbran per faire tindar lor creativitat dins lors lengas maltractadas. L’objectiu es de se ganhar lor plaça legitima dins lo païsatge artistic, cultural, audiovisual e institucional francés. I a un besonh, una realitat, una demanda sociala e aquestas companhiás se recampan per obténer un avenidor per la creacion dins las lengas autoctònas del nòstre país. Lo CTLA | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari