Lo president del Parlament Europèu, David Sassoli, a demandat a Jean-Claude Juncker que faga quicòm per que l'Union Europèa assistisca lo naviri catalan Open Arms e distribuisca d’un biais “just” los 121 migrants socorreguts que transpòrta. “Soi conscient que tota responsa a aquela demanda d’assisténcia umanitària deu èsser volontària”, çò a dich en precisant que “la situacion es seriosa e requerís una accion immediata”. Dins aquel sens, Sassoli precisa que “tant intellecualament coma emocionalament, las pauras gents pòdon pas esperar”. Sassoli conclutz que l’eurocambra sostendrà los esfòrces de Juncker coma “o a fach tantes autres còps”.
 
Sassoli planh que lo destin dels migrants salvats siá “esplechat” politicament per qualques govèrns. “Cada còp qu’un naviri arriba dins las aigas europèas, se repetís la meteissa scèna e sortís la meteissa retorica”.
 
L’Open Arms, es en mar dempuèi nòu jorns amb 121 personas qu’an salvadas. Los activistas demandan urgentament als estats e a l’Union Europèa que desblòquen los pòrts e qu’assumiscan lors responsabilitats. Ara per ara, an ça que la pas recebut cap de responsa.
 
 

If Europe cannot protect those in difficulty in the Mediterranean - people who have set out in search of a better life - it will have lost its soul, as well as its heart. See my letter to Commission President @JunckerEU on the Open Arms rescue boat >>> https://t.co/ZG0D6FDRg4

— David Sassoli (@EP_President) August 8, 2019