Actualitats
Mòrt de Jean-Pierre Mocky, actor e prolific realizaire niçard
Amb mai d’una seissantena de filmes realizats, nos recordarem d’el mai que mai per À mort l'arbitre (1984)
Nos quitèt dijòus passat Jean-Pierre Mocky, actor e prolific realizaire niçard, a 86 ans. Amb mai d’una seissantena de filmes realizats, nos ramentarem d'el mai que mai per sos filmes Les Dragueurs (1959), Un drôle de paroissien (1963), Solo (1969), À mort l'arbitre (1984), Y a-t-il un Français dans la salle ? (1982), Le Miraculé (1987) o Bonsoir (1994).
Nasquèt a Niça en 1933 al sen d’una familha d’origina polonesa, lo paire èra josieu e sa maire catolica. Lo paire aviá avançat la data de naissença de Mocky a l’an 1929 per que poguèsse prene un naviri devèrs Argeria e fugir los nazis. En fin finala, refusèron aquel viatge e la familha s’installèt a Grassa ont viurián gràcias a la fortuna de la maire.
Comencèt sa carrièra coma actor en 1942 al cinèma e al teatre. Venguèt celèbre mai que mai en Itàlia amb lo filme I vinti (1953) de Michelangelo Antonioni. Trabalhèt coma estagiari per Luchino Visconti e per Federico Fellini e escriguèt son primièr filme, La Tête contre les murs, en 1959.
Nasquèt a Niça en 1933 al sen d’una familha d’origina polonesa, lo paire èra josieu e sa maire catolica. Lo paire aviá avançat la data de naissença de Mocky a l’an 1929 per que poguèsse prene un naviri devèrs Argeria e fugir los nazis. En fin finala, refusèron aquel viatge e la familha s’installèt a Grassa ont viurián gràcias a la fortuna de la maire.
Comencèt sa carrièra coma actor en 1942 al cinèma e al teatre. Venguèt celèbre mai que mai en Itàlia amb lo filme I vinti (1953) de Michelangelo Antonioni. Trabalhèt coma estagiari per Luchino Visconti e per Federico Fellini e escriguèt son primièr filme, La Tête contre les murs, en 1959.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari