capçalera campanha

Actualitats

EscòlaPolitica
crotz-tolosaCreated with Sketch.GuianaRoergueLeveson e Rodanés

Blanquer ditz que sa politica es “benvolenta envèrs l’occitan”

Sa reforma, que fragiliza grèvament la lenga nòstra dins l’ensenhament public, contraditz sas declaracions als mèdias durant sa vesita en Roergue

La vesita del ministre francés en aquel país occitan s’acabèt amb una polemica a prepaus de manipòlas sospechadas de cèrtas informacions
La vesita del ministre francés en aquel país occitan s’acabèt amb una polemica a prepaus de manipòlas sospechadas de cèrtas informacions
Lo ministre francés de l’educacion assegura que sa politica “es de tot en tot benvolenta envèrs l’occitan”. Atal respondèt a las questions de Centre-Presse dins sa darrièra vesita en Roergue, just après l’Estivada de Rodés, coma o rapòrta la FÈLCO. “Realizat dins un esperit de dobertura, lo bilingüisme es una bona causa per l’enfant. Nòstra prioritat es d’espandir un vivièr de locutors en occitan que permeta de fornir mai de candidats als concorses de recrutament dels professors. Trabalham tanben per securizar los percorses bilingües de la mairala al licèu. Lo licèu ont l’ofèrta  d’ensenhament serà espandida a de nòus establiments dins l’encastre de la reforma del bachelierat en cors. Mas la primièra de mas prioritats es que totes los mainats sàpian plan legir, escriure e comptar en francés”, çò diguèt.
 
La vesita del ministre francés en aquel país occitan s’acabèt amb una polemica a prepaus de manipòlas sospechadas de cèrtas informacions.
 
 
Volontat de metre fin a l’occitan
 
Mas en realitat la reforma de l’educacion impulsada pel ministre ataca d’un biais fòrça grèu la lenga nòtra. L’acadèmia de Tolosa —una de las onze subdivisions escolaras que tòcan Occitània dins l’estat francés— a mes fin a la dotacion especifica que finança l’occitan dins los collègis e licèus e daissa sens lenga nòstra gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
 
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. Lo 60% dels escolans del segondari es dins l’acadèmia de Tolosa. L’occitan es tanben fòrt a Niça, mas patís fòrça la reforma mortifèra dels licèus. La vertat es que i a una volontat evidenta de metre fin a l’occitan al Ministèri parisenc de l’Educacion.
 
Blanquer aviá ja atacat l’educacion immersiva en occitan en afirmant que crenhiá que los escolans de Calandreta o Diwan “parlèsson solament la lenga regionala” e “desconeguèsson lo francés”.
 
 
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Al Candide Republican
12.

Rectificatiu : voliai dire Blanquer, pas Castaner. Coma que, l'un val l'autre...

  • 6
  • 0
Al Candide Republican
11.

#10 Me damne, n'i a encara que crèson al Paire Nadal. Avètz totjorn pas comprès qu'aquela magica formula de com' "França païs dels dreches umans e de l'egalitat davant la lei " es pas qu'un enfumatge ipocrit que servis al poder de Paris per justificar sa man de fèrre ? Val pas pus que la pretenduda "mission civilisatriz" , amaga-sèx de la predacion coloniala " à la française", que lo cinic "l'ome, capital lo mai precios" del sanguinari Estalin o que la "benvalença per l'occitan" d'aquel Castaner en servici comandat per tuar ço que demora mai d'occitan.

  • 6
  • 0
Adam
10.

#9 Aquò significa donc que los filhs devon pagar (uèit sègles après) per la fauta dels paires (pèrdre una puta de guèrra contra de fanatics religioses catolics integristas) ? Res de senhalar, tot es normal ? Al país dels dreits de l'òme e de l'egalitat davant la lei, se los Romans tuan los Galleses, ne devèm ara per ara pagar lo deute, coma se ne foscam nosautres uèi responsables ?

Que los Romans antics s'anem fa fotre, amb sa morala de predators unineuronals de barbars antics…

  • 3
  • 0
Vae Victis
9.

#7 E alara que ? Car companh "clandestino", vos daissi far la causida de responsa A) That is the question ! B) Dins aquel afar n'i-a un qu'a ganhat e l'autre qu'a perdut, o se volètz, un escanaire e un escanat. C) Pas la pena de se sonar Einstein per constatar que sus aquel cop fa bel temps qu'avem perdut.

  • 17
  • 0
JMB
8.

L’Aveyron est une splendeur de la France ! Et les colonies y fleurissent pour le plus grand bonheur des enfants français qui vont y profiter des territoires ainsi conquis.

  • 15
  • 0

Escriu un comentari sus aqueste article