Lo presonièr politic còrs Yvan Colonna foguèt transferit divendres passat a la preson d’Arle (Camarga). Condemnat a perpetuitat per l’afar Erignac, Colonna a totjorn clamat son innocéncia. Fins ara èra embarrat dins la preson centrala de Tolon.
Aquel transferiment càmbia pas res en la situacion d’Yvan Colonna e de sos pròches que demandan que siá transferit a la preson d’U Borgu, en Corsega. Mas aquel transferiment es estat totjorn refusat fins ara.
Segon d’informacions del jornal numeric breton 7Seizh, divèrsas personalitats de l’encastre judiciari, mai que mai en Bretanha, an demandat un reexamen aprefondit del “dorsièr Colonna” e an denonciat una denegacion de justícia. Cal remembrar que Colonna es estat condemnat sens cap de pròva materiala que l’implique dins l’assassinat del prefècte Erignac.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sens comentari sus l'afar Erignac e Colonna, vòli simplament dire que condamnar un òme es una causa. Mas condamnar tota una familha en tot rendre fòrça dificilas las visitas e los contactes entre la siá familha e lo condamnat per un empresonament fòra Corcega es una autra causa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari