Actualitats
Vilanuèva d’Òlt: a començat la 45a edicion de l’Escòla Occitana d’Estiu
S’agís d’un eveniment màger per la transmission e lo mantenement de nòstras lenga e cultura, e d’un espaci ont poder viure plenament en occitan
Comencèt dimenge passat a Vilanuèva d’Òlt (Naut Agenés) la 45a edicion de l’Escòla Occitana d’Estiu, un eveniment màger per la transmission e lo mantenement de nòstras lenga e cultura que prepausa fins al 17 d’agost de corses de lenga occitana a totes los nivèls e en totes los dialèctes e tota una tièra d’activitats: d’obradors, de conferéncias, d’espectacles, de danças, de descobèrtas del terraire e una librariá completa de libres en lenga nòstra. Ongan, nòstre cronicaire Joan-Marc Leclercq i a portat una pèça de teatre en occitan amb Hélène Cabrol.
Los participants son normalament d’occitans que venon de pertot dins lo país, seguits per un grop de catalans plan nombroses. Al delà, i a de mond de païses ben divèrses.
A l’EOE, i a de mond de totas las edats, çò que fa venir passionants los escambis entre dialèctes e generacions, mai que mai en tot beure un còp a l’estanquet, a la fin de la jornada, abans lo balèti o l’espectacle.
Pels mai pichons, i a l’Escoleta, amb d’activitats per enfants de 5 a 10 ans, e per lo jovent d’11 a 16 ans i a l’Escòla dels Adolescents (dicha “Escòl’Adòs”).
Coma d’abitud, lo Comitat d’Afrairament Occitanocatalan (CAÒC) i serà, en tot portar fòrça participants e en collaborar activament a l’organizacion de l’eveniment.
Divendres que ven, l’EOE la clavarà una fèsta occitanocatalana en vila, al mercat dels terraires, amb un concèrt-balèti menat pels grops Coriandre e Se’n Fa Una.
Los participants son normalament d’occitans que venon de pertot dins lo país, seguits per un grop de catalans plan nombroses. Al delà, i a de mond de païses ben divèrses.
A l’EOE, i a de mond de totas las edats, çò que fa venir passionants los escambis entre dialèctes e generacions, mai que mai en tot beure un còp a l’estanquet, a la fin de la jornada, abans lo balèti o l’espectacle.
Pels mai pichons, i a l’Escoleta, amb d’activitats per enfants de 5 a 10 ans, e per lo jovent d’11 a 16 ans i a l’Escòla dels Adolescents (dicha “Escòl’Adòs”).
Coma d’abitud, lo Comitat d’Afrairament Occitanocatalan (CAÒC) i serà, en tot portar fòrça participants e en collaborar activament a l’organizacion de l’eveniment.
Divendres que ven, l’EOE la clavarà una fèsta occitanocatalana en vila, al mercat dels terraires, amb un concèrt-balèti menat pels grops Coriandre e Se’n Fa Una.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I som anat un an, fa coma 25 ans mai o manco., mercès al CAOC e a son president N'Enric Garriga, al cel cia. Un gran animador dels viatges, que en feren molts per Occitania, e un gran amant de la cultura Occitana bessona de la Catalana. Erem una colha de catalans sis o set e ho passarem molt ben.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari