Actualitats
An publicat lo nom dels tres araneses mòrts a Mauthausen
Per tal de los reconéisser, l'estat espanhòl ven de publicar los noms dels ciutadans assassinats dins aquel camp de concentracion
Lo Bulletin Oficial de l'Estat espanhòl (BOE) publiquèt divendres passat la lista dels ciutadans espanhòls assassinats dins lo camp de concentracion nazi Mauthausen-Gusen, amb la tòca de fornir als parents lors certificats de decès. Demest las 4427 victimas publicadas, i a tres araneses: Isidoro Pujol de Bausen, mòrt lo 21 d'abril de 1945; Manuel Sacau de Canejan, defuntat lo 19 de març de 1944, e Joaquim Tersà d'Arties, mòrt lo 6 de març de 1945, çò rapòrta Viure als Pirineus.
La lista s'es publicada en aplicacion de la Lei de la Memòria Istorica amb la tòca d’ofrir una reparacion a las victimas del nazisme. Desenant, aqueles ciutadans compreses dins la lista auràn l'estatut de mòrts oficials, çò qu'avián pas encara, e seràn reconeguts coma tals, En mai d'aquò, s'es establit lo 5 de mai coma jorn d'omenatge a aquelas victimas.
La lista s'es publicada en aplicacion de la Lei de la Memòria Istorica amb la tòca d’ofrir una reparacion a las victimas del nazisme. Desenant, aqueles ciutadans compreses dins la lista auràn l'estatut de mòrts oficials, çò qu'avián pas encara, e seràn reconeguts coma tals, En mai d'aquò, s'es establit lo 5 de mai coma jorn d'omenatge a aquelas victimas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari