Actualitats
La nau Open Arms es arribada al pòrt de la Lampedosa
Après un braç de fèrre amb Salvini, que los a empachats de desembarcar pendent doas setmanas, los 147 migrants socorreguts son en marrit estat de santat
Après un braç de fèrre amb las autoritats italianas, mai que mai amb lo ministre Matteo Salvini, enfin l’Open Arms es arribat al pòrt de la Lampedosa amb los 147 migrants salvats d’un naufragi e mai ajan pas pogut desembarcar. Lo naviri umanitari aviá passat doas setmanas dins las aigas internacionalas en esperant un pòrt que los aculhiguèsse mentre que Malta e Itàlia lo refusavan.
Salvini ensagèt d’empedir l’arribada de l’Open Arms en dictant un decret que menaçava d’arrestar e d’impausar de multas d’un milion d’èuros a las organizacions umanitàrias que lors vaissèls intrèsson dins las aigas italianas. En seguida, la còla de l’Open Arms pausèt un recors davant la justícia e, dimècres passat, un tribunal administratiu de la region de Laci suspendèt per precaucion lo decret de Salvini a causa de “la situacion de gravetat e d’urgéncia excepcionala”.
Fa qualques jorns, avián pogut menar a tèrra dos nenets de 9 meses amb de problèmas respiratòris.
La decision d’aquel tribunal concernís tanben lo naviri Ocean Viking de Mètges Sens Frontièras e de SOS Mediterranèa, que dins los darrièrs jorns avián salvat mai de 400 personas que las podián pas desembarcar dins cap de pòrt.
Sièis estats europèus —Alemanha, Espanha, França, Luxemborg, Portugal e Romania— an comunicat qu'aculhirián los migrants.
Reaccion enrabiada de Salvini
Salvini reagiguèt a la decision dels jutges amb colèra e assegurèt que i aviá “un plan” per “recular e dobrir los pòrts italians per qu’Itàlia tornèsse èsser lo camp de refugiats d’Euròpa”. E mai menacèt de tornar signar un decret lèu-lèu perque el vòl pas èsser “complice” dels “trafegaires”.
Salvini ensagèt d’empedir l’arribada de l’Open Arms en dictant un decret que menaçava d’arrestar e d’impausar de multas d’un milion d’èuros a las organizacions umanitàrias que lors vaissèls intrèsson dins las aigas italianas. En seguida, la còla de l’Open Arms pausèt un recors davant la justícia e, dimècres passat, un tribunal administratiu de la region de Laci suspendèt per precaucion lo decret de Salvini a causa de “la situacion de gravetat e d’urgéncia excepcionala”.
Fa qualques jorns, avián pogut menar a tèrra dos nenets de 9 meses amb de problèmas respiratòris.
La decision d’aquel tribunal concernís tanben lo naviri Ocean Viking de Mètges Sens Frontièras e de SOS Mediterranèa, que dins los darrièrs jorns avián salvat mai de 400 personas que las podián pas desembarcar dins cap de pòrt.
Sièis estats europèus —Alemanha, Espanha, França, Luxemborg, Portugal e Romania— an comunicat qu'aculhirián los migrants.
Reaccion enrabiada de Salvini
Salvini reagiguèt a la decision dels jutges amb colèra e assegurèt que i aviá “un plan” per “recular e dobrir los pòrts italians per qu’Itàlia tornèsse èsser lo camp de refugiats d’Euròpa”. E mai menacèt de tornar signar un decret lèu-lèu perque el vòl pas èsser “complice” dels “trafegaires”.
C'è un disegno per tornare indietro ed aprire i porti italiani, per far tornare l’Italia ad essere il campo profughi d'Europa. pic.twitter.com/vMvjXsFuPd
— Matteo Salvini (@matteosalvinimi) August 14, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
S'els a salvat la vida, mas s'a de tenir ben clar qu' en aquests migrants los tornaran a seu país d'origen.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari