Actualitats
Sardenha: an raubat 40 kg de sable de la plaja de Chia
Un parelh de toristas franceses levèron aquel ben comun e ara riscan entre 1 e 6 ans de preson. Dison que s’agissiá d’un “sovenir”
Arrestèron dijòus passat dos toristas franceses en Sardenha qu’avián enlevat 40 kg de sable abans de tornar en França. Lo parelh, que son identitat desconeissèm, riscan entre un e sièis ans de preson per vòl amb circonstàncias agravantas, çò raporta Il Corriere della Sera.
Lo parelh, quand èran a mand de pojar dins lo fèrri per anar a Tolon amb lor veitura, l’arrestèt la polícia doanièra e financièra italiana, que descobriguèt catòrze botelhas de plastic totas plenas de sable qu’avián tirat de la plaja de Chia. Disián que s’agissiá d’un “sovenir” e qu’avián pas l’intencion de cometre una infraccion.
Lo sable de las plajas es considerat coma un ben comun d’utilitat publica. Tanben dins l’estat francés es un delicte de lo levar, amb de multas de fins a 1500 èuros.
Lo parelh, quand èran a mand de pojar dins lo fèrri per anar a Tolon amb lor veitura, l’arrestèt la polícia doanièra e financièra italiana, que descobriguèt catòrze botelhas de plastic totas plenas de sable qu’avián tirat de la plaja de Chia. Disián que s’agissiá d’un “sovenir” e qu’avián pas l’intencion de cometre una infraccion.
Lo sable de las plajas es considerat coma un ben comun d’utilitat publica. Tanben dins l’estat francés es un delicte de lo levar, amb de multas de fins a 1500 èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari