An trobat en Soïssa de borrolhons inedits qu’aviá faches Antoine de Saint-Exupéry per son òbra Lo Pichon Prince. S’agís de qualques nòtas manuscritas sus l’istòria, de dessenhs de dos personatges de l’òbra e un poèma illustrat qu’acompanhava una letra d’amor a sa femna Consuelo.
 
Lo material l’an trobat en çò de Bruno Stefanini, un miliardari italian resident en Soïssa e mòrt en 2018 que colleccionava de pèças d’art. Se calcula qu’auriá agut mai de 100 000 objèctes coma de pinturas, d’esculturas, de manuscrits, de fotografias... Tot aquel material, la fondacion Winterthour es a lo catalogar e es aital que trobèron aquel material inedit de l’escrivan arpitan d’expression francesa que faguèt un dels libres pus coneguts e traduches de l’istòria. Pareis que Stefanini auriá crompat aquel material dins la vila de Bevaix en 1986.
 
Lo manuscrit original del libre Le Petit Prince se tròba a Nòva York dins los archius del Morgan Library and Museum. Es en aquela vila que Saint-Exupéry escriguèt e publiquèt per primièr còp lo libre. La primièra edicion en França es de 1946, quand l’autor èra ja mòrt. L’escrivan e pilòt desapareguèt en vòl lo 31 de julhet de 1944 près de Marselha.
 
Aquel libre es un dels mai venduts e traduches del Mond. En occitan, i a plusors versions dont: