Las autoritats de Pequin se servisson tanben dels rets socials per combatre las protèstas d’Hong Kong. Twitter e Facebook an anonciat que lo govèrn chinés aviá utilizat aqueles dos rets socials per far de propaganda contra las protèstas.
 
Diluns passat, Twitter raportèt la suspension de 936 comptes qu'agissián d’un biais coordenat “dins una operacion menada per l’estat chinés” per “soscavar la legitimitat e la posicion politica” dels manifestants. Après identificar lo marrit usatge del ret social, Twitter assabentèt de la situacion a Facebook que, per la meteissa rason, a eliminat sèt paginas, cinc comptes e tres grops “restacats a d’individús associats al govèrn de Pequin”.
 
En mai d’aquò, Twitter a soslinhat que lo ret social es enebit en China per las autoritats; en consequéncia, los agents de la propaganda an degut emplegar un ret virtual tipe VPN per superar las restriccions geograficas.
 
Twitter assegura qu’a eliminat 200 000 comptes per d’indicis que poirián èsser emplegats per far de propaganda. D’autre latz, Facebook a raportat que 15 500 comptes seguissián qualqu’una de las paginas eliminadas.
 
Ara per ara, cap dels dos rets socials an  pas fornit mai de detalhs suls comptes e paginas eliminats ni mai sus lor impacte social.
 
En mai de tot aquò, las autoritats chinesas an pas trantalhat per qualificar los manifestants de “terroristas”.
 
 

We're disclosing coordinated account activity focused on the ongoing protest movement in Hong Kong. Our investigations have found that these accounts are linked to state-backed information operations from mainland China.https://t.co/Pc9R90Dp85

— Twitter Safety (@TwitterSafety) August 19, 2019

 

The accounts were proactively identified by our team & suspended for using coordinated attempts to manipulate the public conversation. We're adding the relevant information to our archive of information operations — the largest of its kind in the industry.

— Twitter Safety (@TwitterSafety) August 19, 2019