Actualitats
Pia Klemp refusa la decoracion “Grand Vermelh” de la vila de París
La capitanessa umanitària acusa la consolessa màger de la capitala francesa, Anne Hidalgo, d’agir contra los migrants de la vila
La capitanessa alemanda de naus de salvament de migrants, Pia Klemp, refusèt dimars passat la medalha “Grand Vermelh” de la comuna de París. Klemp anoncièt, d’efièch, sus Facebook sa decision del temps qu’acusava la consolessa màger de la capitala francesa, Anne Hidalgo, d’agir contra los migrants de la vila.
De son costat, la comuna de París a contestat las acusacions de Klemp en disent que s’agissiá “d’ipocrisia” mas que prendriá ça que la contacte amb ela per que reconsiderèsse son refús de la decoracion.
La medalha de la Vila de París es una recompensa creada en 1911 e atribuida pel cònsol màger de la vila sus proposicion dels elegits del Conselh de París o d'associacions. Ten cinc escalons: bronze, argent, aur, vermelh e grand vermelh. Recompensa las personas qu'an efectuat una “accion remarcabla pertocant la capitala [francesa]”.
Jutjada en Itàlia
Pia Klemp es una biològa alemanda de 36 ans qu’es estada capitanessa de naus de salvament de migrants en Mediterranèa, dont lo Sea Watch. Ara es jutjada en Itàlia per aquelas operacions de socors e risca fins a 20 ans de preson e de multas plan nautas. Las autoritats italianas acusan Pia Klemp de fomentar l’immigracion illegala. Se lo jutjament se conclutz amb una condemnacion, ela farà una apelacion davant la Cort Europèa dels Dreches Umans d’Estrasborg.
"Dòna Hidalgo, me volètz decorar per mon accion solidària en mar Mediterranèa perque nòstres esquipatges trabalhan cada jorn per socórrer los migrants en de condicions malaisidas", çò ditz Klemp en tot precisar que la polícia de París “enlèva las flaçadas de las personas obligadas de demorar a la carrièra, mentre qu’enebís las manifestacions e criminaliza las personas que defendon los dreches dels migrants e dels sollicitaires d’asil". Lo comunicat de Klemp es acompanhat d’un imatge del jornal Le Monde que ditz: “Après las barralhas, la Comuna de París installa de pèiras antimigrants".
De son costat, la comuna de París a contestat las acusacions de Klemp en disent que s’agissiá “d’ipocrisia” mas que prendriá ça que la contacte amb ela per que reconsiderèsse son refús de la decoracion.
La medalha de la Vila de París es una recompensa creada en 1911 e atribuida pel cònsol màger de la vila sus proposicion dels elegits del Conselh de París o d'associacions. Ten cinc escalons: bronze, argent, aur, vermelh e grand vermelh. Recompensa las personas qu'an efectuat una “accion remarcabla pertocant la capitala [francesa]”.
Jutjada en Itàlia
Pia Klemp es una biològa alemanda de 36 ans qu’es estada capitanessa de naus de salvament de migrants en Mediterranèa, dont lo Sea Watch. Ara es jutjada en Itàlia per aquelas operacions de socors e risca fins a 20 ans de preson e de multas plan nautas. Las autoritats italianas acusan Pia Klemp de fomentar l’immigracion illegala. Se lo jutjament se conclutz amb una condemnacion, ela farà una apelacion davant la Cort Europèa dels Dreches Umans d’Estrasborg.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Està clar,es un deure umanitari salvar las vidas dels naufrags. Mas tamben està clar que s'auran de tornar, a no ser que i agi gent que los vulga acolhir per tenir man d'obra barata e tratar los coma esclaus.
Tè, n'i-a al mens una que vol far saupre al mond qu'a plan comprès l'ipocrisia francèsa ! Aquela medalha en chocolat de la parisencalha ben-pensanta, emai la bobotalha-jornalistalha-parisencassa dels Hidalgo-Macron-BFMTV la donaria d'una man als gilets jaunes de Hong-Kong tot en ensucant de l'autra man aqueles d'en co nostre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari