Actualitats
La zòna de socors de la Mediterranèa centrala es ara desemparada
Las pressions dels estats europèus sus las organizacions umanitàrias daissan los migrants a la mercé de la gàrdia litorala de Libia, coneguda per sos abuses
La zòna de recèrca e socors de la Mediterranèa, qu’es davant las còsta de Libia, es ara de tot en tot desemparada. La pression dels estats europèus –mai que mai Itàlia, Malta e Espanha– sus las organizacions umanitàrias a daissat aquelas aigas a la mercè de la gàrdia litorala de Libia, coneguda darrièrament per sos abuses e per sa violéncia contra los migrants, que pòdon finir venduts a l’enquant coma esclaus.
La rota centrala mediterranèa es un camin plen de tombas. I son mòrts ongan almens 578 personas, segon de donadas de l’Organizacion Mondiala de l'Immigracion (ÒMI). Totun, las organizacions umanitàrias de salvament asseguran que los mòrts son plan mai nombroses car maitas barcas desapareisson sens daissar de traças.
Entre junh e agost, aquela zòna l’an susvelhada lo Sea Watch 3, l’Open Arms e l’Ocean Viking. Mas ara i a pas cap vaissèl per o far. Los primièrs dos naviris son jos una confiscacion temporària de las autoritats italianas mentre que l’Ocean Viking es tot just a desembarcar al pòrt de Malta doas setmanas après esperar qu’un pòrt aculhisca los 356 migrants que socorreguèron. Cap dels migrants demorarà pas dins l'illa de Malta: França, Alemanha, Irlanda, Luxemborg, Portugal e Romania los aculhiràn.
La rota centrala mediterranèa es un camin plen de tombas. I son mòrts ongan almens 578 personas, segon de donadas de l’Organizacion Mondiala de l'Immigracion (ÒMI). Totun, las organizacions umanitàrias de salvament asseguran que los mòrts son plan mai nombroses car maitas barcas desapareisson sens daissar de traças.
Entre junh e agost, aquela zòna l’an susvelhada lo Sea Watch 3, l’Open Arms e l’Ocean Viking. Mas ara i a pas cap vaissèl per o far. Los primièrs dos naviris son jos una confiscacion temporària de las autoritats italianas mentre que l’Ocean Viking es tot just a desembarcar al pòrt de Malta doas setmanas après esperar qu’un pòrt aculhisca los 356 migrants que socorreguèron. Cap dels migrants demorarà pas dins l'illa de Malta: França, Alemanha, Irlanda, Luxemborg, Portugal e Romania los aculhiràn.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Libia des que i aguet la guerra qu' avia de levar a Gadafi e que mos feren creire que s'arreglaria tot. Doncs un be negre, la situacion ara està molt pitjor qu' en temps de Gadafi. Visca Gadafi !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari