Ubèrt Dutech, autor de la cronica istorica, Dia per dia, difusada quotidianament en 2010 e 2012 sus Ràdio País, Ràdio Auloron e La Votz de noste, que vien de publicar aquesta cronica hens un libe intitulat Dia per dia: l’Histoire du Béarn, au jour le jour.
 
Los tèxtes originaus que i son arrevirats en francés, mes lo libe que consèrva totun un hòrt contingent de tèxtes istorics en lenga nosta, pr’amor lo biarnés qu’estó lenga d’estat dinc a 1625, e los Estats de Bearn e autes institucions locaus que l’an conservada peus escriuts dinc a la Revolucion. De mei, expressions biarnesas benparadas semian lo libe.
 
Las cronicas qu’an estat hornidas e les tèxtes d’origine tribalhats. A l’ensús de cada pagina un díser biarnés/gascon especific, arrevirat en francés , qu’ei sus Internet. A l’envath de pagina, autes datas evenemenciaus suplementàrias correspondent au dia deu quau se tracta, qu’an estat apeçadas dab l’apelacion de: Que s’ei passat tanben un ....
 
L’ensemble que’s presenta dongas dab la fòrma d’un armanac illustrat (404 paginas; format A4), arrejunhent atau la tradicion anciana deus purmèrs armanacs hèits peus aderents de las purmèras escòlas felibrencas, a la juntada deus darrèrs segles. Aqueth libe que’s pòt trobar drin pertot capvath Biarn, au prètz de 29 èuros. Entà las personas luenhècas, lo libe que’s pòt comandar dirèctament  capvath lo corrèu e franc de pòrt. Que podètz contactar per e-mail e au telefon +33 (0)6 35 52 44 89.
 
L’autor que dedicarà lo son libe lo 22 de deceme, au Parvis Leclerc de Pau, autanlèu arribar 15 òras.
 
 
 
 
UD
 
 
 
 
_____
DUTECH, Ubèrt. Dia per dia: L’Histoire du Béarn, au jour le jour. Ubèrt Dutech 2012. 404 paginas. 29 èuros.