Actualitats
Quebèc: los sobeiranistas acusan lo govèrn federal d’empedir la vesita de Puigdemont
Un maraton d’escritura de cartas postalas als presonièrs politics catalan, s’es tengut aquesta dimenjada
Un reportatge informatiu de la ràdio-television canadenca entitolat “En esperant Puigdemont” explica que la Societat Sant Joan Baptista (SJJB), la mai anciana associacion independentista quebequesa, acusa lo govèrn canadenc de “blocar la vesita de Carles Puigdemont per de rasons politicas” en reportant la concession del permís d’intrada al país pel president de la Generalitat de Catalonha en exili. E mai “exigís” del govèrn federal d’Ottawa “que revise son posicionament”.
La vesita del president de la Generalitat de Catalonha en exili èra prevista del 2 al 5 d’abril passats, mas “Puigdemont espèra totjorn l’autorizacion d’Ottawa per vesitar sos aliats sobeirainistas en Quebèc”, çò ditz lo reportatge.
De son caire, lo president del Bloc Quebequés, Yves-François Blanchet, a criticat lo primièr ministre canadenc, Justin Trudeau. Dins sa tribuna del jornal Le Soleil, Blanchet se demanda se lo drech d’autodeterminacion de Catalonha es mens valid que lo de Quebèc o d’Escòcia.
Maraton de cartas postalas als presonièrs politics
Dins aquel encastre, a agut luòc aquesta dimenjada un maraton d’escritura de cartas postalas als presonièrs politics catalans. L’iniciativa l’a organizada l’èx-ministra de l’environament Martine Ouellet, del partit independentista Blòc Quebequés.
La vesita del president de la Generalitat de Catalonha en exili èra prevista del 2 al 5 d’abril passats, mas “Puigdemont espèra totjorn l’autorizacion d’Ottawa per vesitar sos aliats sobeirainistas en Quebèc”, çò ditz lo reportatge.
De son caire, lo president del Bloc Quebequés, Yves-François Blanchet, a criticat lo primièr ministre canadenc, Justin Trudeau. Dins sa tribuna del jornal Le Soleil, Blanchet se demanda se lo drech d’autodeterminacion de Catalonha es mens valid que lo de Quebèc o d’Escòcia.
“Justin Trudeau s’es tanben dreiçat en defensor dels principis democratics dels païses occidentals long de la cima de l’ÒTAN. Se los principis democratics dels païses occidentals permeton o caucionan l’empresonament e l’exili d’elegits catalans per las autoritats espanhòlas?”, çò interròga Blanchet.
Maraton de cartas postalas als presonièrs politics
Dins aquel encastre, a agut luòc aquesta dimenjada un maraton d’escritura de cartas postalas als presonièrs politics catalans. L’iniciativa l’a organizada l’èx-ministra de l’environament Martine Ouellet, del partit independentista Blòc Quebequés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ken Trudeau sap pas cossi far per plaire a la drecha mercantilista que baileja Euròpa de còps que li faguèsson de dificultats amb lo CETA.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari