Actualitats
Arriban a la Cort Europèa dels Dreches Umans los cants hooligans contra los independentistas catalans
Un grop d’avocats ven d’i portar una denóncia per asirança a causa dels cants d’inspiracion fotbolaira que los entonavan los policièrs espanhòls quand se gandissián en Catalonha per reprimir lo referendum del 1r d’octòbre de 2017
La Cort Europèa dels Dreches Umans (CÈDU) ven de recebre una nòva denóncia judiciària restacada amb lo procès independentista de Catalonha. Un grop d’avocats, d’efièch, ven d’i far pervenir los cants d’inspiracion fotbolaira que los entonavan los policièrs espanhòls quand anavan en Catalonha per reprimir lo referendum del 1r d’octòbre de 2017. “Sus eles, oè” (A por ellos), çò cantavan los agents, inspirats per la molonada catalanofòba que lor èra anada dire adieu.
Abans d’arribar a la CÈDU, la denóncia a percorregut un periple inutil dins la justícia espanhòla, que l’a classada precipitadament. Los avocats considèran qu’atal, la justícia espanhòla a mancat a l’obligacion de metre en examen un delicte d’asirança e o vòlon remarcar dins lor denóncia a Estrasborg.
Durant lo referendum d’independéncia de Catalonha e Aran, organizat lo 1r d’octòbre de 2017, venguèron en Catalonha 12 000 agents de la dicha Polícia Nacionala espanhòla e de la Gàrdia Civila. Lor partença de vilas espanhòlas, mai que mai d’Andalosia, foguèt un espectacle: de recampaments improvisats s’organizèron per dire adieu als agents del temps que las folas lor cridavan “Sètz pas solets”, “Catalonha es Espanha”, “Visca Espanha”, “Puigdemont en preson”, “Ieu soi espanhòl, espanhòl, espanhòl”, “Sus eles, oè” (A por ellos).
Los jutges espanhòls an assegurat que i auriá pas cap de delicte d’asirança dins un cant d’inspiracion esportiva. Mas los avocats insistisson qu’aqueles cants los an entonats davant de personas armadas (o o an fach las quitas personas armadas) en visant un grop de personas identificat per lor ideologia e lor apertenéncia territoriala.
Lo jorn del referendum, la violéncia dels policièrs contra los ciutadans que votavan foguèt desproporcionada e los imatges faguèron lo torn del Mond.
De legir l'opinion de Manèl Zabala del 29.09.2017: Un hooligan, un vòte.
Abans d’arribar a la CÈDU, la denóncia a percorregut un periple inutil dins la justícia espanhòla, que l’a classada precipitadament. Los avocats considèran qu’atal, la justícia espanhòla a mancat a l’obligacion de metre en examen un delicte d’asirança e o vòlon remarcar dins lor denóncia a Estrasborg.
Durant lo referendum d’independéncia de Catalonha e Aran, organizat lo 1r d’octòbre de 2017, venguèron en Catalonha 12 000 agents de la dicha Polícia Nacionala espanhòla e de la Gàrdia Civila. Lor partença de vilas espanhòlas, mai que mai d’Andalosia, foguèt un espectacle: de recampaments improvisats s’organizèron per dire adieu als agents del temps que las folas lor cridavan “Sètz pas solets”, “Catalonha es Espanha”, “Visca Espanha”, “Puigdemont en preson”, “Ieu soi espanhòl, espanhòl, espanhòl”, “Sus eles, oè” (A por ellos).
Los jutges espanhòls an assegurat que i auriá pas cap de delicte d’asirança dins un cant d’inspiracion esportiva. Mas los avocats insistisson qu’aqueles cants los an entonats davant de personas armadas (o o an fach las quitas personas armadas) en visant un grop de personas identificat per lor ideologia e lor apertenéncia territoriala.
Lo jorn del referendum, la violéncia dels policièrs contra los ciutadans que votavan foguèt desproporcionada e los imatges faguèron lo torn del Mond.
De legir l'opinion de Manèl Zabala del 29.09.2017: Un hooligan, un vòte.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qu'anoncèretz ath monde qu'eth attentat sus eras Ramblas èra òbra deth govèrn de Madrid: o qu'ei vertat e un esdcandal terrible, o ua mentida e pas mens escandalous ! Qu'attendi tostems un desmentit. O no seriatz un diari credible ?
Ja a arribat a la Cort Europea dels Drets Umans. Urra ! Visca !
Caldria pas tanpauc doblidar un autre cant asiros, qu'acompanha de longa l'absolutism nacionalist e colonial de la republica francimanda de Paris : La Marseillaise !
E ben! Ara los hooligans son defòra de l'estadi! E amb unifòrme per que los poscam conéisser!
Possible que la Cort europèu bote defòra, mas cal sasir cada escasença de remembrar la brutalitat del poder espanhòl... e d'autres tanben!
Segur qu'aquò val pas l'anar poetic de "bon colp de fals". Mas serà malaisit de convéncer los jutges europèus del caractèr "asirós" dels cants. Es pro incomprensible per un forastièr en defòra del contèxt espanhòl. Se vòlon far un pauc de publicitat, los independentistas, perqué non? . Mas aquò anirà pas tròp luenh, diriái ieu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari