Actualitats
Itàlia: l’M5E e lo PD son a negociar un pache de govèrn
Ara per ara, se son pas encara meses d’acòrdi en cèrts aspèctes, dont lo mai important, valent a dire lo nom del primièr ministre
Lo Movement Cinc Estelas (M5E) e lo Partit Democratic (PD) son a negociar a la lèsta un pache per governar Itàlia en coalicion, après la crisi de govèrn. Ara per ara, se son pas encara meses d’acòrdi en cèrts aspèctes, dont lo mai important, valent a dire lo nom del primièr ministre.
Lo centrista Nicola Zingaretti a dich als mèdias qu’es “optimista de poder convenir d’un govèrn seriós e duradís pel país” que faga atencion a “la proteccion de l’environament, a l’emplec e a la recèrca”. Una de las causas que lo PD demanda es que i aja pas los meteisses ministres de l’M5E al govèrn per fin de marcar las distàncias amb lo govèrn precedent, en coalicion amb l’ultradrechista Lega.
Se lo president de la Republica, Sergio Mattarella, lor a concedit mai de temps, lor a tanben demandat que se despachen, car Itàlia deu resòlver lèu-lèu l’eleccion de son candidat coma comissari europèu e elaborar lo budget per 2020.
Mentretant, la Liga, qu’es a l’origina de l’actuala crisi politica, insistís per dire que se pòt encara recuperar lo pache trencat amb l’M5E.
La situacion actuala arribèt lo 20 d’agost passat après la demission del primièr ministre, Giuseppe Conte, qu’anoncièt la fin de son govèrn. La demission de Conte seguissiá la crisi provocada pel ministre de l’Interior, Matteo Salvini, que veniá de declarar la rompedura dels dos partits del govèrn mentre que presentava una mocion de censura e reclamava d’eleccions anticipadas. Salvini èra segur que i auriá d’eleccions forçadas dins la davalada e que vendriá primièr ministre, en coalicion amb los conservators d’Anem Itàlia e dels ultraconservators Fraires d’Itàlia, coma o pronosticavan los sondatges.
Mas Salvini comptava pas sus un possible pache entre l’M5E e lo PD, qu’an la majoritat parlamentària. Es justament per aquela rason qu’ara ensaja de tornar al pache amb l’M5E e de servar los ministèris que son partit ten ara en foncions.
Ara, segon lo darrièr sondatge publicat diluns passat per l’Institut Demopolis, la Liga auriá perdut de quatre ponches l’intencion de vòte. Lo 37% dels vòtes qu’auriá obtengut abans la crisi de govèrn es ara un 33%. Seguiriá lo PD amb un 23% e l’M5E amb un 19%, çò es catòrze ponches de mens qu’a las eleccions generalas de 2018.
Lo centrista Nicola Zingaretti a dich als mèdias qu’es “optimista de poder convenir d’un govèrn seriós e duradís pel país” que faga atencion a “la proteccion de l’environament, a l’emplec e a la recèrca”. Una de las causas que lo PD demanda es que i aja pas los meteisses ministres de l’M5E al govèrn per fin de marcar las distàncias amb lo govèrn precedent, en coalicion amb l’ultradrechista Lega.
Se lo president de la Republica, Sergio Mattarella, lor a concedit mai de temps, lor a tanben demandat que se despachen, car Itàlia deu resòlver lèu-lèu l’eleccion de son candidat coma comissari europèu e elaborar lo budget per 2020.
Mentretant, la Liga, qu’es a l’origina de l’actuala crisi politica, insistís per dire que se pòt encara recuperar lo pache trencat amb l’M5E.
Salvini èra persuadit que i auriá d’eleccions forçadas e considerava pas possible que se faguèsse un pache aital que tenguèsse la majoritat parlamentària
La situacion actuala arribèt lo 20 d’agost passat après la demission del primièr ministre, Giuseppe Conte, qu’anoncièt la fin de son govèrn. La demission de Conte seguissiá la crisi provocada pel ministre de l’Interior, Matteo Salvini, que veniá de declarar la rompedura dels dos partits del govèrn mentre que presentava una mocion de censura e reclamava d’eleccions anticipadas. Salvini èra segur que i auriá d’eleccions forçadas dins la davalada e que vendriá primièr ministre, en coalicion amb los conservators d’Anem Itàlia e dels ultraconservators Fraires d’Itàlia, coma o pronosticavan los sondatges.
Mas Salvini comptava pas sus un possible pache entre l’M5E e lo PD, qu’an la majoritat parlamentària. Es justament per aquela rason qu’ara ensaja de tornar al pache amb l’M5E e de servar los ministèris que son partit ten ara en foncions.
Ara, segon lo darrièr sondatge publicat diluns passat per l’Institut Demopolis, la Liga auriá perdut de quatre ponches l’intencion de vòte. Lo 37% dels vòtes qu’auriá obtengut abans la crisi de govèrn es ara un 33%. Seguiriá lo PD amb un 23% e l’M5E amb un 19%, çò es catòrze ponches de mens qu’a las eleccions generalas de 2018.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari