Actualitats
Elisabèt IIa a perlongat las vacanças del parlament fins al 14 d'octòbre per evitar lo debat sul Brexit
La suspension evitarà que los deputats empachen Boris Johnson de realizar un Brexit sens acòrdi
A la demanda del govèrn britanic, la reina d’Anglatèrra, Elisabèt IIa, a perlongat las vacanças del parlament fins al 14 d'octòbre, doas setmanas abans lo 31 d’octòbre, data limit per efectuar un Brexit amb acòrdi. Aquò empedirà los deputats d’entrepachar lo primièr ministre, Boris Johnson, que vòl tirar lo Reialme Unit de l’Union Europèa sens acòrdi abans lo 31 d’octòbre.
Lo cap de l’oposicion e cap trabalhista, Jeremy Corbyn, a assegurat que la suspension de Westminster damatja la democracia e a demandat d'èsser recebut per la reina. Dins una letra li a explicat sos plans per "far tot çò que serà possible" per arrestar lo govèrn de Johnson dont una mocion de censura.
De son caire, la primièra ministra d'Escòcia, Nicola Sturgeon, a afirmat que la suspension de la cambra per "impausar un Brexit sens acòrdi" es una decision pròpria "d'una dictadura".
Un “gabinet de guèrra”
“Amb un nòu primièr ministre, un nòu govèrn e mai de clartat dins la mission, sortirem de l’Union Europèa lo 31 d’octòbre. Sens cap de contestacion. I aurà pas pus de retards. Lo Brexit se farà”, çò explicava Gove a l’edicion dominicala de The Times, fa qualques jorns. Segon Gove, lo primièr ministre Johnson aviá creat un “gabinet de guèrra” integrat per sièis ministres qu’a la responsabilitat d’arribar al Brexit “amb quina mesura necessària que siá”
Dins son primièr discors coma primièr ministre, Boris Johnson lancèt un ultimatum a l’Union Europèa per que “reconsiderèsse” son refús de tornar negociar amb Londres l’Acòrdi de Retirament signat en novembre de 2018 amb Theresa May. Totun, l’Union Europèa respondèt que pensava pas de tornar negociar res.
Lo cap de l’oposicion e cap trabalhista, Jeremy Corbyn, a assegurat que la suspension de Westminster damatja la democracia e a demandat d'èsser recebut per la reina. Dins una letra li a explicat sos plans per "far tot çò que serà possible" per arrestar lo govèrn de Johnson dont una mocion de censura.
De son caire, la primièra ministra d'Escòcia, Nicola Sturgeon, a afirmat que la suspension de la cambra per "impausar un Brexit sens acòrdi" es una decision pròpria "d'una dictadura".
@NicolaSturgeon: “Shutting down Parliament in order to force through a no-deal Brexit, which will do untold and lasting damage to the country against the wishes of MPs is not democracy, it’s dictatorship." pic.twitter.com/lRMV0vfl7m
— The SNP (@theSNP) August 28, 2019
Un “gabinet de guèrra”
“Amb un nòu primièr ministre, un nòu govèrn e mai de clartat dins la mission, sortirem de l’Union Europèa lo 31 d’octòbre. Sens cap de contestacion. I aurà pas pus de retards. Lo Brexit se farà”, çò explicava Gove a l’edicion dominicala de The Times, fa qualques jorns. Segon Gove, lo primièr ministre Johnson aviá creat un “gabinet de guèrra” integrat per sièis ministres qu’a la responsabilitat d’arribar al Brexit “amb quina mesura necessària que siá”
Dins son primièr discors coma primièr ministre, Boris Johnson lancèt un ultimatum a l’Union Europèa per que “reconsiderèsse” son refús de tornar negociar amb Londres l’Acòrdi de Retirament signat en novembre de 2018 amb Theresa May. Totun, l’Union Europèa respondèt que pensava pas de tornar negociar res.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Parlament a votat l'article 50 que vòu diser que UK hasèva la soa sortida de l'UE : en çò an seguit lo vòt majoritari deus electors ; totun e aci qu'ei l'alh n'i avèva pas cap de plan tà seguir d'ara enlà, e d'aquò los electors ne'n pòden pas ren. Cau anar véser los comentaris deus jornaus britanics las garrolhas a's tuar enter brexitaires eths mèmes e a l'encòp amb los demoraires ! çò de mèma enau Parlament : an pas encara podut arrecotir cap d'accòrd vist lo jòc deus partits diguens e deu vòt majoritari deus Irlandéses e deus escocéses per demòrar ... E ara lo Johnson qu'ensaja de ganhar la partida ...per eth mème !
Fins ara, lo Parlament britanic a fach tot son possible per blocar lo Brexit, es à dire per anar còntra la volontat dau pòble que l'a elegit. Fa longtemps qu'una dissolucion aurié degut èstre prononciada, per aver un Parlament en acòrdi ambé la volontat deis electors!
La melhora solucion seriá benlèu de fotre los anglicans e lor corona a la mar (per via electorala) e de deluirar definitivament Irlanda del Nòrd. Aital, las discussions estèrlas amb Euròpa trobarián una fin radicala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari