Actualitats
Lo govèrn de Brasil coneissiá las intencions dels entrepreneires rurals d’incendiar Amazonia
Lo ministèri public aviá avertit l’Institut Brasilian de l’Environament a prepaus d’un grop de 70 grans entrepreneires que se coordenavan per WhatsApp per cremar la sèlva
Lo 7 d’agost, tres jorns abans que comencèsson los grands incendis dins l’estat de Pará, lo Ministèri Public Federal de Brasil aviá mandat una letra d’alèrta a l’Institut Brasilian de l’Environament e dels Recorses Naturals (IBAMA) en lor avertint que i aviá l’intencion d’una seguida d’entrepreneires rurals de menar a tèrme de cremasons de bòsques dins aquela region e en demandant a las autoritats ministerialas un plan per evitar una possibla catastròfa. Segon la letra dels procuraires, que ne publicam l’imatge d’una de sas paginas, lo fuòc cercava d’èsser una accion de sosten a la flexibilizacion de las leis environamentalas en favor de la desforestacion, promoiguda per Bolsonaro, e l’eliminacion de las multas a las societats que, dins la region, damatjan l’environament.
La responsa de l’IBAMA al Ministèri Public arribèt dos jorns après que comencèsson los incendis e soslinha que sas “accions d’inspeccion foguèron empedidas” a causa de divèrsas atacas qu’avián patidas e a l’abséncia del sosten de la polícia militara sul terren. Lo ministèri public a declarat qu’efectivament de salariats de l’IBAMA foguèron atacats per de fustièrs e de proprietaris agricòlas e n’a dobèrt una enquèta.
De plans devastators per Amazonia
En mai d’aquò, Open Democracy atenguèt un document de presentacion en Power Point que demòstra que lo govèrn de Bolsonaro cèrca d’emplegar lo discors de l’òdi per isolar las minoritats d’Amazonia. Segon aquò, la tòca es de cambiar los paradigmas de l’indigenisme o l’environamentalisme amb un vejaire neoliberal per tal de poder “far abitabla” una granda partida de la forèst mejançant la mesa en òbra de divèrses projèctes de centralas electricas.
Documentos mostram que Ibama foi avisado sobre plano de incendiar a floresta no dia 7 de agostohttps://t.co/QlW0KzhdFG
— Globo Rural (@Globo_Rural) August 26, 2019
Bolsonaro’s government intends to use hate speech to isolate minorities of the Amazon. https://t.co/img5KVqfLT
— openDemocracy (@openDemocracy) August 25, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo govern golpista del Brasil es la pesta.
2019 es pas una annasa recòrd per los fuecs de forest au Brasil. Serian mesme inferiors a 25 dau cent si l'òm compara emben 4 o 5ans en arrier. Tot parier los fuecs en Africa e en Siberia serian surestimats per sostener la propaganda de Macron.
Borselino a d'alhors fai remarcar qu'en França de las catedralas craman e que l'espleitacion de minas d'aur en Guyane francesa es pas un model de proteccion de l'environament.
Quand la montanha limosina se boidava de sa populacion un paisan crompet una penta dins las Monediairas per i plantar daus pinhiers. Los pinhiers eran l'aur dau Limosin.
Lo mesme paisan sur sos vielhs jorns denudava sa proprietat milelh plaçada per l'elevatga per l'ofrir a l'agricultura classica. Avem pas totjorn de leiçons a balhar aus autres.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari