Actualitats
Catalonha: s’alestís un “tsunami democratic” per respondre a la senténcia
Ven d’espelir una campanha ciutadana de desobesissença civila per preparar la responsa a la senténcia que la prononciarà la Cort suprèma espanhòla contra los elegits independentistas jutjats
La campanha s’es presentada amb un manifèst, que demanda de non renonciar pas a la defensa dels dreches individuals e collectius e ditz que per o far cal una lucha democratica, organizada e determinada, que se fonde sus la desobesissença civila e sus la lucha non violenta. Sens cap de mena de violéncia “mas amb tota fermetat”, çò precisa. Per ara, la campanha concretiza pas grand causa sus las accions que se menaràn a bon tèrme mas ditz que sas aisinas seràn “l’autocritica, l’ironia, la creativitat, la diversitat, l’imperfeccion e tot çò que desenvolope un movement collectiu transversal”. Dins aquel sens, precisa: “Defugissèm pas l’inconfòrt que pòt resultar de l’exercici dels dreches fondamentals e de la transformacion sociala. L’assumissèm e l'afrontam”.
Lo primièr element de la campanha es la publicacion d’un vidèo de mièja minuta que mòstra un fogal amb una coquèla plena d’aiga que comença de bolir del temps que podèm legir “Cambiem l’estat de las causas”.
La campanha a trobat lo sosten de totes los partits independentistas e de divèrsas associacions ciutadanas.
Els drets, si no s'exerceixen, perden sentit. La defensa de la democràcia i dels nostres drets civils, polítics i socials, inclòs el dret d’autodeterminació s’ha de fer cada dia. Hi estem compromesos. Sort i endavant #TsunamiDemocràtichttps://t.co/hYP6GxiE3y
— Quim Torra i Pla (@QuimTorraiPla) September 2, 2019
Cal recuperar la iniciativa, i en tots els àmbits. Aquesta és una bona manera, intel·ligent. El compromís amb la no violència ens fa més forts, que ningú en tingui cap dubte. I sí, ara comença el temps de la represa. https://t.co/RNXvdkKKoi
— Carles Puigdemont (@KRLS) September 2, 2019
Junqueras: Votar no és delicte! La democràcia prevaldrà per sobre de tot i ens conjurem per defensar-la! Sempre! #tsunamidemocratichttps://t.co/VVvwTgWc1A
— Oriol Junqueras
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Ara se sap que l'organizaire de l'atemptat, l'imam de Vic, èra un informator de la polícia espanhòla e que los mossos ne’n sabiá pas res. Se sap tanben que lo pseudo messatge de la CIA als mossos èra una fake new, vist que 1) la CIA correspond pas qu’amb la polícia dels Estats ; 2) èra escrit dins un anglés tant marrit que se vesiá qu’èra l’òbra d’un jargonaire del globish.
L’enquesta avança a tustas e a bustas, per çò qu'a Madrid vòlon pas que se sàpia fòra de Catalonha. Sembla pas de creire mas es pas la primièra novèla surrealista. A l’ora d’ara, lo sénher Acebes, ministre (sinistre, per o dire mièlhs) de l’interior del govèrnament Aznar, contunha de dire que l’atemptat perpetrat en 2004 a la gara d’Atocha per de terroristas marroqins foguèt l’òbra d’ETA.
E tostems cap de responsa aras mièvas questions sus çò que Jornalet escrivèc quan attribuèc eth attentat deras Ramblas ath govèrn de Madrid? Tròp vergonhos! Era democracia qu'a d'a començar pera vartat !
Prese tant de veire coma l'es organizada aquela societat civila catalana !
Segur qu'aquò fai raibar... Li podèm màs que tirar lo chapèlh !
Aquò me fa somniar : « Ven d’espelir en Catalonha, Euskadi, Bretanha, Corserga e Occitania una nòva campanha sonada “Tsunami Democratic” que cèrca de preparar la responsa dels ciutadans a la violéncia politica, policièra, mediatica e culturala del sistèmi neoliberal confiscant sistematicament a las populacions lo dreit — totun elementària en democracia — de causir sa politica economica e culturala en general, linguïsitca notadament. » Coma o escriviá lo requist Florian Vernet, s'agiriá de "qualques nòvas d'endacòm mai"…
Baste foguèsse pro fòrt aquel tsunami per s'emportar tota la rafatalha antidemocratica en Espanha, e endacòm mai!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari